و ق و: تۇركىستاندا شاعىن كاسىپكەرلىك قانات جايدى - فوتو
ونىڭ ىشىندە 1,6 ميلليارد تەڭگەنى قۇرايتىن 1018 جوبا «ىرىس» ميكروقارجى ۇيىمىنا تيەسىلى، دەپ حابارلايدى otyrar.kz.
قازىرگى تاڭدا اتالمىش جوبالار ءساتتى جۇزەگە اسىپ، كاسىپكەرلەر ەڭبەگىنىڭ جەمىسىن كورىپ وتىر. سولاردىڭ ءبىرى «ديدار» شارۋا قوجالىعى 3 گەكتار جەرگە جىلىجاي كەشەنىن ۇيىمداستىرۋ ماقساتىندا 2014 -جىلى «ماكسيمۋم» ا ي و- نان 270 ميلليون تەڭگە نەسيە العان. بۇگىندە كاسىپكەر ونىمدەرىن تەك قانا جەرگىلىكتى نارىق ەمەس، رەسەي ەلىنە دە ەكسپورتقا شىعارۋ ارقىلى جىلىجايدىڭ جۇمىسىن جۇيەلى جولعا قويىپ، ءبىرشاما تابىس كوزىنە اينالدىرعان.
ال، يندۋستريالدى ايماقتا ورنالاسقان «Grand Miks» جيھاز سەحى عيماراتىن زاماناۋي جابدىقتارمەن تولتىرۋدا. «ماكسيمۋم» ا ي و- نان 68 ميلليون تەڭگە كولەمىندە الىنعان نەسيە قىتاي ەلىنەن ەڭ سوڭعى ۇلگىدەگى جابدىقتاردى ساتىپ الۋعا جۇمسالعان. قازىرگى تاڭدا قاجەتتى جابدىقتارىن ورناتىپ، سەحتىڭ جۇمىسىن باستاپ جىبەرگەن كاسىپكەردىڭ الداعى ماقساتتارى ايتارلىقتاي اۋقىمدى.
سونىمەن قاتار، اعاش وڭدەۋ سەحىنا 12 ميلليون تەڭگە كولەمىندە نەسيە العان جەكە كاسىپكەر نۇرلان ساۋلەبايەۆقا «ىرىس» مقۇ تاراپىنان قولداۋ كورسەتىلگەن. كاسىپكەر بۇگىندە ءوز جۇمىسىن جولعا قويۋمەن قاتار 20-عا جۋىق جەرگىلىكتى تۇرعىندى جۇمىسپەن قامتىپ وتىر. نەسيەنىڭ نەسىبىسىن كورىپ، تابىستىڭ كوزىن تاپقان كاسىپكەر الداعى ۋاقىتتا ميكروقارجى ۇيىمىنان تاعى دا جەڭىلدەتىلگەن نەسيەنى الۋعا جوسپار قۇرىپ وتىر.
سونىمەن قاتار كاسىپكەر ەربول اشابايەۆ 3 اي بۇرىن ءىرى قارا مال بورداقىلاۋ جانە جىلىنا 70 توننا ەت ءوندىرۋ ماقساتىندا «ىرىس» م ق ۇ- نان 9 ميلليون تەڭگە نەسيە الىپ، قوجالىق جۇمىسىن اناعۇرلىم جولعا قويعان. وسىلايشا ءوز وڭىرىندە مال شارۋاشىلىعىن دامىتۋعا ەلەۋلى ۇلەسىن قوسۋدا.
