اكىم تۇيمەبايەۆتىڭ رەسپۋبليكاداعى العاشقى جۇمىس ساپارى جارمەڭكە ارالاۋدان باستالدى - فوتو

استانا. قازاقپارات - توعىز كۇن بۇرىن وڭتۇستىك قازاقستان وبلىسىنىڭ اكىمى بولىپ تاعايىندالعان جانسەيىت تۇيمەبايەۆتىڭ رەسپۋبليكاداعى العاشقى جۇمىس ساپارى جارمەڭكە ارالاۋدان باستالدى، دەپ حابارلايدى قازاقپارات.

بۇگىن ول استانا اكىمى اسەت يسەكەشەۆپەن بىرگە «حان- شاتىر» ويىن ساۋىق ورتالىعىنىڭ جانىندا ءوتىپ جاتقان وڭتۇستىك قازاقستان وبلىسىنىڭ اۋىل شارۋاشىلىعى جارمەڭكەسىن ارالاپ كوردى. وڭتۇستىكتىڭ شارۋالارى استاناعا 300 توننادان استام ازىق- تۇلىك اكەلىپ، ەلوردا نارىعىنداعى باعادان 15-20 پايىز ارزان باعاعا ساتىپ جاتىر. وبلىس اكىمى ج. تۇيمەبايەۆ ازىق- تۇلىك باعاسىنىڭ نەگىزسىز وسۋىنە جول بەرمەيتىن مۇنداي جارمەڭكەلەردى ءجيى ۇيىمداستىرۋ قاجەت دەگەن ويىن ايتتى.

 

 

 

 

 

  جالپى، وڭتۇستىكتەن كەلگەن 304 توننا ازىق- تۇلىكتىڭ 60 تونناسى - ەت، 126 تونناسى كوكونىس، 29 تونناسى جەمىس- جيدەك، 7 تونناسى ءسۇت ونىمدەرى، 5 تونناسى شۇبات بولسا، شارۋالار تاعى 25 مىڭ دانا جۇمىرتقا، 40 توننا باقشا ونىمدەرىن، 7 توننا بالىق، 7 توننا بال، 3 توننا وسىمدىك مايى مەن 5 توننا كەپتىرىلگەن جەمىس اكەلگەن ەكەن. بۇل ونىمدەردىڭ ورتاق جالپى قۇنى 100,8 ميلليون تەڭگە. جارمەڭكە ەرتەڭ، ياعني جەكسەنبى، 16 -قازان كۇنى بىتەدى.  

اكىمنىڭ باسپا ءسوز قىزمەتى حابارلاعانداي، وڭتۇستىك قازاقستان وبلىسى اۋىل شارۋشىلىعى باعىتىندا جۇيەلى جۇمىستار اتقارىپ، تولاعاي تابىستارعا جەتىپ وتىر. اتاپ ايتقاندا بيىل وبلىس شارۋالارىم 470 مىڭ توننا استىق جيناعان ەكەن، ياعني، ءبىر گەكتاردان 22 سەنتنەر بيداي ورىلعان.

ەستەرىڭىزگە سالا كەتەيىك، قازاقستان رەسپۋبليكاسى تاۋەلسىزدىگىنىڭ 25 جىلدىعىنا وراي، «قۋاتتى ءوڭىر - قۋاتتى قازاقستان» جوباسى اياسىندا استاناداعى وڭتۇستىك قازاقستان وبلىسىنىڭ كۇندەرى ءوتىپ جاتىر.


 

  

اۆتور: كەنجەكەي توقتامۇرات قىزى