كورولدەرىنەن ايىرىلعان تايلاند تۇرعىندارى كوز جاستارىنا ەرىك بەرۋدە - فوتو
وسى كەزدە ونىڭ ۇلى جانە مۇراگەرى ماحا ۆاچيرالونگكورن كۇتپەگەن جەردەن ءوزىنىڭ ءتاج كيگىزۋ راسىمىنەن باس تارتاتىنىن مالىمدەدى.
بۇل تۋرالى Daily Mail حابارلايدى.
تاقتا 70 جىل بويى وتىرعان كورول تاريحتاعى مونارحتاردىڭ ىشىندەگى ۇزاق ۋاقىت ەل بيلەگەن ادام بولدى.
وعان دەگەن حالىقتىڭ دا قۇرمەتى ەرەكشە بولدى.
ونىڭ ءولىمى حابارلانعاننان كەيىن تاي حالقى كوشەگە شىعىپ، وكىنىشتەرىن جاسىرماي، اعىل- تەگىل جىلادى. كوپ ادام ول جاتقان اۋرۋحانانىڭ الدىنا جيىلىپ، ەسكە الدى.
قازىرگى تاڭدا ەل- جۇرتتىڭ بار نازارى ونىڭ تاعىنا كىم وتىرادى دەگەن ساۋالعا اۋعان.
بۇل رەتتە حانزادا ەل پرەمەر- مينيسترىنە ءتاج كيگىزۋدى توقتاتۋ تۋرالى ءوتىنىش بىلدىرگەن ەدى.
ەلدەگى ۇلتتىق تەلەارنالار وزدەرىنىڭ باعدارلامالارىن توقتاتىپ، پحۋميپون 1946 -جىلى تاققا وتىرعان ساتىندەگى فوتوسۋرەتتەردەن تىكەلەي كورسەتىلىم تاراتۋدا.
ەلدەگى ازالى ۋاقىت ءبىر جىلعا سوزىلاتىندىقتان، الداعى 30 كۇن بويى ويىن- ساۋىقتىق باعدارلامالار كورسەتىلمەيدى.
«تايلاند حانزاداسى مەنەن ازداعان دايىندىققا ۋاقىت سۇرادى. ول حالىقپەن بىرگە اكەسىن جوقتاپ كوڭىل بىلدىرگىسى كەلەدى. ونىڭ سوزىنشە، ول ءسوزسىز مۇراگەر. ءبىراق، تاققا وتىرۋ ءۇشىن ءبىراز ۋاقىت كەرەك»، - دەپ مالىمدەدى ۇكىمەت باسشىسى پرايۋت چان- وچا.
كوپشىلىكتىڭ ايتۋىنشا، ءتاج كيگىزىلۋ سالتاناتىنىڭ كەشىكتىرىلۋى تاي مونارحياسىنا زيان كەلتىرۋى مۇمكىن.
64 جاستاعى تاق مۇراگەرى ءۇش رەت ۇيلەنىپ، ۇشەۋىندە دە اجىراسقان.
ءبىراز ۋاقىت ونىڭ كوڭىلدەستەرى تۋرالى دا اڭگىمە شىققان.
2014 -جىلى كورول سارايىندا وسى حانزادا مەن ونىڭ وتباسى فۋ-فۋ دەگەن ءيتىنىڭ قۇرمەتىنە ارنايى كەش ۇيىمداستىرعان. وندا ولار يتكە تورت بەرىپ، بارلىعى قوسىلىپ ءان شىرقايدى.
ماحا ۆاچيرالونگكورن 1952 -جىلى تۋعان جانە ناعىز تاق مۇراگەرى رەتىندە تاربيەلەنگەن. ول ءبىر سۇحباتىندا 12 جاسقا تولعان كەزدە ءتىپتى اياق كيىمىنىڭ باۋىن بايلاي الماعانىن، ويتكەنى مۇنى قىزمەتشىلەرى جاساپ بەرگەنىن مويىنداعان ەدى. 14 جاسىندا ول انگلياعا وقۋعا اتتانعان. ول تاي ارمياسىنىڭ ءۇش اسكەري ءتۇرى بويىنشا وفيتسەر بولعان. حانزادانىڭ وقۋى سيدنەيدە جالعاسقان.
ول 1977 -جىلى موم لۋانگ سوامساۆالي كيتياكاراعا ۇيلەنەدى. بۇل نەكەدەن بادجراكيتيابحا حانشايىم تۋعان. توعىز ايدان سوڭ يۋۆادحيد پولپراسەت ەسىمدى اكتريسادان ۇلدى بولدى.
دۇنيەدەن وتكەن كورول التى مۋزىكالىق اسپاپتا ويناپ، ونەرگە ەرەكشە جاقىن جان بولعان.
ول ءوز ۋاقىتىندا ەڭ باي مونارح جانە الەمدەگى ەڭ باي ادامداردىڭ ءبىرى بولدى.
ال سوڭعى ون جىلدىقتا دەنساۋلىعىنا بايلانىستى ول ەل الدىنا كوپ شىقپادى،
Stan.kz
