شىمكەنتتە بەنزين قىمباتتادى

شىمكەنت. قازاقپارات - شىمكەنتتەگى جانارماي قۇيۋ ستانتسيالارىنداعى باعا وزگەردى، دەپ حابارلايدى قازاقپارات.

اي-92 ماركىلى بەنزينىنىڭ باعاسى كەيبىر ستانتسيالاردا 2-3 تەڭگەگە ءوستى. مىسالى، «گازپرومنەفت»، «گەليوس»، «ساتۋجول» ستانسيالارىندا بەنزين باعاسى ليترىنە 130 تەڭگە دەپ قويىلدى. ال، «سيگما»، «سينويل» سياقتى ستانسيالاردا بەنزين قۇنى 15 تەڭگە قوسىلىپ 127 تەڭگەگە دەيىن ارتتى.

باعانىڭ ءوسۋى شىمكەنت مۇناي وڭدەۋ زاۋىتىنىڭ جوسپارلى كۇردەلى جوندەۋگە توقتاۋىمەن بايلانىستى بولىپ وتىر، دەپ مالىمدەدى «جانار- جاعارماي» قاۋىمداستىعىنىڭ ءتوراعاسى قايىپبەك قامباروۆ. «ەڭ باستى سەبەپ - زاۋىتتىڭ جوسپارلى جوندەۋگە توقتاۋىمەن بايلانىستى. مەنىڭشە، مۇنداي باعا الداعى 1 اي كولەمىندە، ياعني زاۋىت ىسكە قوسىلعانشا ساقتالادى»، - دەدى قامباروۆ.

ول سوزىندە بەنزين باعاسىنىڭ قۇبىلۋى سونىمەن قاتار شىمكەنتتەن جەتكىزىلەتىن بەنزيننىڭ كولەمى شەكتەلگەندىگىمەن دە بايلانىستى ەكەندىگىن ايتتى. ەندى وتىندى پاۆلوداردان تاسۋ كەرەك بولىپ تۇر. «2,5 مىڭ توننا الىپ كەلە جاتىر. وپەراتور بەنزيندى كەلەسى جولى ساتىپ العانعا دەيىن جەتكىزۋى كەرەك. سول سەبەپتى ول باعانى كوتەرۋگە ءماجبۇر. بۇل جاعداي مونوپولياعا قارسى كوميتەت تاراپىنان رەتتەلەدى. ولار بەنزيننىڭ قايدان العانىن جانە قانداي باعامەن ساتىلاتىنىن رەتتەپ وتىرادى»، - دەدى قاۋىمداستىق ءتوراعاسى.

سونىمەن قاتار ول وتىنعا قاتىستى زارۋلىك ايماقتا جوق ەكەندىگىن جەتكىزدى.

ەستەرىڭىزگە سالا كەتەيىك، «پەتروقازاقستان ويل پروداكتس» ج ش س تەحنولوگيالىق جەلىنى جوسپارلى كۇردەلۋ جوندەۋدەن وتكىزۋ ءۇشىن توقتاتتى. ول 12 -قاراشادا ىسكە قوسىلادى. جوندەۋ جۇمىستارى زاۋىتتىڭ ءوندىرىس قۋاتىن ارتتىرىپ، كاسىپورىننىڭ ءارى قاراي تۇراقتى جۇمىسىن قامتاماسىز ەتەدى.