ايەل اقشانى قايدا جۇمساعانىن كۇيەۋىنە ايتۋعا مىندەتتى مە؟

استانا. قازاقپارات - ەر ادامنىڭ ايەل زاتىنان ءبىر ساتى جوعارى تۇراتىنى بەلگىلى. سول سەبەپتى كەيبىر جاعدايلاردا كۇيەۋىنىڭ رۇقساتىنسىز جاساي المايتىن ىستەرى بار.

سوندا ايەل اقشانى كۇيەۋىنەن رۇقسات سۇراپ جۇمساۋى كەرەك پە؟

ەگەر ايەل ءوزى جۇمىس ىستەپ، تابىس تاباتىن بولسا ونى قالاي، قايدا جۇمسايتىنىن ءوزى شەشەدى. ال ەگەر جۇمىس ىستەمەيتىن بولسا، كۇيەۋىنىڭ اقشاسىن قالاي، قايدا، قاشان جۇمسايتىنىن كۇيەۋىنە ايتۋى مىندەتتى.

ايەل ادام ءوزى تاپقان تابىسىنا كۇيەۋىنە، بالالارىنا سىيلىق الۋىنا، ءۇيدىڭ كەرەك- جاراعىن تۇگەندەۋىنە نەمەسە وزىنە كەرەك زاتىن الۋىنا، جاقىندارىنا كومەكتەسۋىنە بولادى. اقشا تەك پايدالى، يگى ىستەرگە جۇمسالۋى ءتيىس. بۇل مەنىڭ اقشام دەپ وڭدى- سولدى شاشىپ ىسىراپ ەتۋگە بولمايدى.

جانۇياداعى جانجالدىڭ كوبى ماتەريالدىق جاعدايعا بايلانىستى بولعاندىقتان ەرلى- زايىپتىلار بۇل ماسەلەدە ءوزارا كەلىسىپ، اقىلداسىپ شەشىم قابىلداعاندارى ءجون.