حالىقارالىق قۋىرشاق كارناۆالىندا استانانىڭ تەاترى «قاڭباق شالدى» ۇسىندى
الەمنىڭ 54 مەملەكەتىنەن جينالعان ۇزدىك تەاترلىق ۇجىمدار ءوزارا تاجىريبە الماسىپ، ونەردىڭ وسى ءتۇرىن دامىتۋ پەرسپەكتيۆالارىن تالقىلادى.
شارا بارىسىندا استانا قالاسىنىڭ قۋىرشاق تەاترىنىڭ ديرەكتورى توعجان حاسانعاليەۆا «پلەنشەتتى قۋىرشاقتار» تاقىرىبىندا بايانداما جاسادى. بۇل ساحنا توسەمىنىڭ ۇستىنەن «جۇرە» الاتىن قۋىرشاقتىڭ ءبىر ءتۇرى، ونى پلانشەتتى دەپ اتايدى. قازىرگى كەزدە پلانشەتتى قۋىرشاقتار ونەر الەمىندە كەڭىنەن تانىمال جانە الەمنىڭ ۇزدىك ارتىستەرىمەن پايدالانىلادى. ەلوردالىق قۋىرشاق ويناتۋشى ارتىستەر دە ولاردى ءوز قويىلىمدارىندا كەڭىنەن قولدانىلادى جانە ءوز شەبەرلىكتەرىمەن بولىسەدى.
سونىمەن قاتار، استانالىق ارتىستەر حالىقارالىق قۋىرشاق كارناۆالىنىڭ شەبەرلىك سىنىپتارىندا قازاقتىڭ ۇلتتىق ستيلىندە جاسالعان ۇستەل پلانشەتتى قۋىرشاقتارىمەن ونەر كورسەتتى. ولار شەتەلدىك ارىپتەستەرىنىڭ نازارىنا «قاڭباق شال» حالىق ەرتەگىسىن ۇسىندى. حالىقارالىق قۋىرشاق كارناۆالىنىڭ كەزدەسۋلەرىنە قاتىسقان الەمنىڭ ۇزدىك قۋىرشاق ويناتۋشى ارتىستەرى استانانىڭ قۋىرشاق تەاترى ارتىستەرىنىڭ شىعارماشىلىعى مەن كاسىپقويلىعىن جوعارى باعالادى.
