سينوپتيكتەر الماتىنىڭ الداعى قىسىنا بولجام جاسادى
ونىڭ ايتۋىنشا، نەگىزگى ىزعار قاراشا ايىنىڭ ءۇشىنشى ونكۇندىگىندە باستالماق. جالپى قاراشا ايىندا الماتىنىڭ اۋا رايى قالىپتى دەڭگەيدە بولادى. الماتى ءۇشىن قالىپتى جاعداي +3 گرادۋس.
«قاراشا ايىنىڭ ءۇشىنشى ونكۇندىگىندەگى اۋا تەمپەراتۋراسى 1-دەن 6 گرادۋسقا دەيىن ءتۇن ۋاقىتىندا سۋىتادى. ال اي سوڭىندا 5-10- گرادۋسقا دەيىن تومەندەيدى. ال، كۇندىز 6-11 گرادۋس جىلىلىقتان -2-3 گرادۋسقا دەيىن سۋىتادى. قاراشا ايىندا كۇن بۇلتتانىپ، -57 م م- گە دەيىن ىلعال تۇسەدى. بۇل قالىپتان جوعارى. قاراشا كۇزدىڭ سوڭعى ايى بولىپ، قىس باستالاتىندىقتان ىلعال جاڭبىر بولىپ، ارتى قارعا ۇلاسۋى ىقتيمال»، - دەدى س. امانقۇلوۆا.
«قازگيدرومەتتىڭ» بولجامى بويىنشا الماتى وبلىسىندا جەلتوقسان ايىندا اۋا تەمپەراتۋراسى قالىپتى دەڭگەيدە، تەك ايماقتىڭ سولتۇستىگىندە قالىپتان جوعارى بولادى. جەلتوقسان ايى ءۇشىن قالىپتى جاعداي 3+ تەن 13- گرادۋس سالقىندىق. جاڭبىر، قارلى جاڭبىر قالىپتى جاعدايدان مولىراق تۇسەدى. قاردىڭ كولەمى 11-58 م م- كولەمىندە بولادى.
2017 -جىلدىڭ العاشقى ايىندا ەلىمىزدىڭ ءبىرقاتار ايماعىندا كۇن سالقىن بولادى. ءبىراق، الماتى وبلىسى، شىعىس قازاقستان وبلىسى، وڭتۇستىك قازاقستان وبلىسى، جامبىل وبلىسىندا اۋا تەمپەراتۋراسى قالىپتى جاعدايدا، ياعني 5-16- گرادۋس دەڭگەيىندە بولادى.
الماتى وبلىسىندا قار مول ءتۇسىپ، 8-48 م م دەڭگەيىندە بولۋى ىقتيمال.
س. امانقۇلوۆانىڭ ايتۋىنشا، الماتى وبلىسىندا اقپان ايى ىزعارلى، سۋىق بولماق.
«ەگەر قورىتىندىلايتىن بولساق، جەلتوقسان، قاڭتار ايلارى قالىپتى جاعدايدا، ال اقپان ايى سۋىق بولماق. جالپى قىس ايازدى بولمايدى. مەنىڭشە، اقپان ايىندا ءسىبىر انتيتسيكلونىنىڭ ىقپالى جۇرسە 20- گرادۋسقا دەيىن اياز ءتۇسۋى مۇمكىن. دەگەنمەن، ناقتى تەمپەراتۋرا كورسەتكىشى تۋرالى ءدال ايتۋعا ءالى ەرتە»، - دەدى س. اماقۇلوۆا.
ەسكە سالا كەتەيىك، الماتىدا 13 نەن 14 -قازانعا قاراعان تۇندە كۇن كۇرت سۋىتتى. كەشكە باستالعان جاڭبىرعا تاڭعا جۋىق قار ارالاسىپ، العاشقى قار ءتۇستى. اۋا تەمپەراتۋراسى 0 گرادۋستى كورسەتتى.
اۆتور: الماس مۇقاش ۇلى
