ميميكالىق ءاجىم بويىنشا ادامنىڭ مىنەزىن تانى

استانا. قازاقپارات - ۋاقىت وتە ءبىز، البەتتە، قارتايامىز. جانە سول قارتايۋدىڭ العاشقى بەلگىلەرى - اجىمدەر.

تەرىسى قۇرعاق، ارىق ادامدارعا، اسىرەسە، ميميكالىق ءاجىم ەرتە تۇسەدى. «كوپ كۇلە بەرمە، بەتىڭە ءاجىم تۇسەدى» دەگەندى بارلىق قىز- كەلىنشەكتەر ەستىگەن بولار. راسىمەن، ميميكالىق ءاجىم كەيبىر ادامداردا وتە ەرتە پايدا بولۋى مۇمكىن. ول ءۇشىن 25 نەمەسە 30 جاستان اسۋ مىندەتتى ەمەس.

پسيحولوگتاردىڭ ايتۋىنشا، بەتكە تۇسكەن سىزىق ادامنىڭ دەنساۋلىعى، مىنەز- قۇلقى تۋرالى سىر شەرتە الادى ەكەن. ياعني، اجىمگە قاراپ وتىرىپ، ادام مىنەزىن تانۋعا بولادى. ولاي بولسا، نازار سالىپ كورەلىك.

ماڭدايداعى ميميكالىق ءاجىم

ماڭدايداعى دوعال تارىزدەس اجىمدەر ادامنىڭ اقىلدى ەكەندىگىن بىلدىرەدى.

ۇزىك- ۇزىك كولدەڭەن ورنالاسقان اجىمدەر ءبىر ءىستى اياعىنا دەيىن دۇرىس جەتكىزبەيتىن ادامدا بولادى. وعان قوسا بۇل اجىمدەر وسەككە جاقىن جانداردا دا كەزدەسىپ جاتادى.

تىگىنەن ورنالاسقان ءاجىمى بار ادام كورسەڭىز - مىنەزى اشىق، مەيىرىمدى جان ەكەندىگىنە كۇمانىڭىز بولماسىن.

ەكى قاستىڭ ورتاسىنداعى دوعال تارىزدەس اجىمدەر - ۇيالشاق جانە ءوز وزىنە سەنىمسىز ادامدى بىلدىرەدى.

كەڭسىرىككە ءاجىم ءتۇسۋى ءىسى العا باسپاي، مازاسى كەتكەن ادامعا ءتان بولادى.

ال جالپاق ماڭدايلى ادامنىڭ كەڭسىرىگىندەگى ءاجىم ونىڭ اقىلدى، دىتتەگەن ماقساتىنا جەتە الاتىندىعىن سيپاتتايدى. ونىمەن قوسا بۇل - اناليتيكالىق ويلاي الۋدىڭ، جالپى زياتكەرلىكتىڭ بەلگىسى.

كەڭسىرىكتەگى قيسىق سىزىق ورىنسىز قىزعانشاقتاردا كەزدەسىپ جاتادى.

الايدا، مىنەزدەن بۇرىن قۋىعى مەن بۇيرەگى اۋىراتىن ادامدارعا ءاجىم بىردەن كەڭسىرىككە تۇسەتىنىن بايقاۋعا بولادى.

قاستىڭ ۇستىندە شەتكە قاراي ورنالاسىپ، جوعارى باعىتتالعان ءاجىم يەسىنە سەنۋگە بولمايدى. كەز- كەلگەن جەردە «جاۋ اراسىندا» تاستاپ كەتۋى مۇمكىن.

ءبىراق قاستىڭ ۇستىندە كولدەڭەن ورنالاسقان ءاجىمى بار ادام كورسەڭىز، ونىڭ ادال جانە سەنىمدى ادام ەكەندىگىن بىلە ءجۇرىڭىز.

كوز اينالاسىنداعى ميميكالىق اجىمدەر

كوز قيىعىندا ورنالاسقان اجىمدەر ەستە ساقتاۋ قابىلەتىنىڭ جوعارى ەكەندىگىن جانە زەيىن ۇشقىرلىعىن بىلدەرەدى.

ولاردىڭ باعىتتالۋىنا بايلانىستى ەكى ادام ءتيپىن انىقتاۋعا بولادى. ەگەر ءاجىم جوعارى باعىتتالسا، ونىڭ يەسى - كوڭىلدى جايساڭ مىنەزدى، تومەن باعىتتالسا - سەنىمسىز، پەسسەميست، مازاسىز بولعانى.

دەنساۋلىق تاراپىنان قارايتىن بولساق، كوز قيىعىندا ورنالاسقان اجىمدەر ءوت پەن اسقازاننىڭ بۇزىلۋى جايىندا بەلگى بەرۋى مۇمكىن. وعان قوسا، كوزى ناشار كورەتىن ادامداردا بۇل جەرگە ءاجىم كوزىن سىعىرايتا بەرگەننەن ءتۇسۋى مۇمكىن.

كوز استىنداعى ۇساق ميميكالىق اجىمدەر تاڭ قالا بەرۋدەن شارشامايتىن ادانىڭ بەلگىسى.

ولار تىم كوپ بولعان جاعدايدا ادامنىڭ اعزاسىندا دارۋمەندەر جەتىسپەيتىندىگىن جانە ۇيقىسىزدىق مازالايتىنىن اڭعارۋ قيىن ەمەس.

ۇساق دەتالدارعا دەيىن نازار اۋداراتىن ادامداردىڭ كوز اينالاسىندا دوعال تارىزدەس ءاجىم پايدا بولادى.

قاس پەن كوزدىڭ اراسىنداعى اجىمدەر جۇرەكتى دارىگەرگە قاراتۋ قاجەتتەلىگىن بىلدىرەدى.

اۋىز مانايىندا ورنالاسقان اجىمدەر

ەرىنگە جاقىن جوعارى باعىتتالعان ميميكالىق اجىمدەر ادامنىڭ ءپوزيتيۆتى، ءاردايىم كوڭىلى كوتەرىڭكى ەكەندىگىن بىلدىرەدى. ال تومەن باعىتتالعان اجىمدەر - ورتاعا، وزىنە كوڭىلى تولمايتىن، پەسسيميستىك كوزقاراس يەسىنە ءتان.

وزدەرىن جالعىز سەزىنەتىن، ۇياڭ، كەز-كەلگەن ورتادا اشىلۋى قيىن جانداردا اۋىز ماڭايىنا ءاجىم تەز تۇسەدى.

ال مۇرىن مەن ەرىندى جالعاستىرىپ تۇسەتىن ءاجىم ومىردە كوپ قيىندىق كورگەن، كوڭىلى قالعان ادامداردا بولادى.

جوعارى ەرىن ۇستىندەگى تىگىنەن ورنالاسقان اجىمدەر گارمونالدىق اقاۋدىڭ بارىن نەمەسە گينەكولوگقا كورىنۋ كەرەكتىگىن اڭعارتادى.