استانادا «قىتايداعى قازاق سپورتشىلار» اتتى كىتاپ جارىق كوردى - فوتو

استانا. قازاقپارات - بۇگىن استاناداعى ۇلتتىق اكادەميالىق كىتاپحانادا قىتايدا تۇراتىن جاس اقىن داۋرەن باقىتحاجى ۇلىنىڭ «قىتايداعى قازاق سپورتشىلار» اتتى كىتابىنىڭ تۇساۋكەسەر ءراسىمى ءوتتى.

ءىس- شاراعا بەلگىلى سپورت جۋرناليسى، جازۋشى قازاقستاننىڭ ەڭبەك سىڭىرگەن قايراتكەرى نەسىپ جۇنىسبايەۆ، ق ر ۇلتتىق سپورت تۇرلەرىنەن مەملەكەتتىك باس جاتتىقتىرۋشىسى، رامازان ءساتتىباي جانە باسقادا اقىن جازۋشىلار قاتىستى.

اتالعان كىتاپقا قىتايداعى قازاقتار اراسىنان شىعىپ، ءارتۇرلى سپورت تۇرلەرىنەن بيىك بەلەستەردى باعىندىرعان 80 نەن استام سپورتشى تۋرالى مالىمەتتەر توپتاستىرىلعان. اۆتوردىڭ ايتۋىنشا، بۇل ونىڭ العاشقى باستاماسى، الداعى ۋاقىتتا بۇل جۇمىستىڭ اۋقىمىن كەڭەيتىپ، 2017 -جىلعى ەكسپو قارساڭىندا باسقا دا شەت ەلدەردەگى تابىسقا جەتكەن، ەڭبەگى ەلەۋلى قازاق سپورتشىلارى تۋرالى كىتاپ جازىپ، وقىرمان قاۋىمعا سىيلاماق.

 

داۋرەن باقىتحاجى ۇلى 1989 -جىلى ق ح ر تارباعاتاي ايماعىندا تۋعان. «ون سەگىز»، «ماحاببات شىڭى» جىر جيناقتارى، «ەلىم دەپ تۋعان ەلتوق» اتتى تاريحي كىتاپتارى جارىق كورگەن. 2016 -جىلى قازاقستان رەسپۋبليكاسى تاۋەلسىزدىگىنىڭ 25 جىلدىعىنا ارنالعان قازاقستان، موڭعوليا جانە قىتاي مەملەكەتتەرىنىڭ 100 اقىنىنىڭ ولەڭدەرى توپتاستىرىلعان «جۇرەكتەر جىرلايدى» انتولوگياسىنا ولەڭدەرى ەنگەن. ش ۇ ا ر قازاق ءتىل-مادەنيەت قوعامىنىڭ، شىڭجاڭ ادەبيەت جانە كوركەمونەرشىلەر بىرلەستىگىنىڭ مۇشەسى.

 

 

 

ريزابەك نۇسىپبەك