التىن ادام الماتىنىڭ العاشقى اكىمى بولعان - باۋىرجان بايبەك
شارانىڭ شىمىلدىعىن يۋنەسكو باس ديرەكتورىنىڭ ورىنباسارى گەتاگۋ ينگيدو ءتۇردى. الىس جولدان كەلگەن قوناقتارعا شارانىڭ ءساتتى ءوتۋىن تىلەگەن ول الماتىلىقتاردى وڭتۇستىك استانانىڭ 1000 جىلدىق مەرەكەسىمەن قۇتتىقتادى.
- يۋنەسكونىڭ بارلىق مۇشەلەرى وسى مەرەكەنى تويلاۋعا ءبىر اۋىزدان داۋىس بەردى. بۇل شىنىمەن دە ماڭىزدى شارا. ۇلى جىبەك جولى قازىرگى الماتىنىڭ اۋماعىن باسىپ وتكەن. ءبىز ءوز تاراپىمىزدان قازاقستاننىڭ حالىقارالىق مادەني شارالارعا ۇلەس قوسۋىن قۋانا قۇپتايمىز، دەدى ينگيدو.
ول سونىمەن قاتار قازاقستاندىقتاردى تاۋەلسىزدىكتىڭ 25 جىلدىعىمەن قۇتتىقتاپ، يۋنەسكومەن اراداعى ارىپتەستىكتىڭ ارتا تۇسەرىنە سەنىم ءبىلدىردى.
بۇدان سىرت سىزدەرگە ۋنيۆەرسيادا ويىندارىن تابىستى وتكىزۋدى تىلەيمىن. بۇل الەم نازارىن الماتىعا اۋداراتىن الامان بولعالى تۇر، - دەدى ول.
بۇدان كەيىن باۋىرجان بايبەك ءسوز الدى. اكىم جيىنعا جينالعان قاۋىمنىڭ نازارىن التىن ادامنىڭ كاستۇمىنە اۋداردى.
التىن ادامنىڭ كاستۋمىن كورىپ وتىرسىزدار. الماتىنىڭ ماڭىنان تابىلعان. ول ساقتاردىڭ كوسەمى بولعان. التىن ادام الماتىنىڭ العاشقى اكىمى بولعان دەگەن بولجام بار. ول الماتىنىڭ 5-6 عاسىرلاردا باسقارعان ەكەن، - دەدى بايبەك.
ءوز سوزىندە بايبەك الماتىنىڭ 1000 مىڭ جىلدىق تاريحىن دالەلدەيتىن ول - ارحەولوگيالىق قازبا كەزىندە تابىلعان كۇمىس تيىندار ەكەنىن ايتتى.
سونىمەن قاتار الماتىدا قازاقستاننىڭ ەگەمەندىك العانى تۋرالى دەكلاراتسياعا قول قويىلىپ، ءدال وسى جەردە يادرولىق قارۋدان باس تارتۋ تۋرالى شەشىم شىعارىلعانىن تىلگە تيەك ەتتى.
- از ۋاقىتتىڭ ىشىندە قازاقستان ءوسىپ-وركەندەي الدى. ءبىزدىڭ تابىسىمىزدىڭ كىلتى - تاتۋلىقتا. الماتى ەلدەگى ەڭ ءىرى مەگاپوليس. قالانىڭ ءال-اۋقاتى ساۋدا مەن قىزمەت كورسەتۋ سالاسىنا نەگىزدەلگەن. ارينە، ۇلى جىبەك جولىنىڭ ءداستۇرىن جالعاستىرۋ ۇستىندەمىز. الماتى توعىز جولدىڭ تورابىندا جاتىر، - دەدى بايبەك.
ونىڭ پىكىرىنشە، قالا ينفراقۇرىلىمى قارقىندى دامىپ كەلەدى. جەرگىلىكتى بيلىك ءوز كەزەگىندە قالا تۇرعىندارىنىڭ ءال- اۋقاتىن جاقسارتۋعا بارىن سالىپ جاتىر. الماتىنىڭ شەتەلدىك ينۆەستورلار الدىنداعى تارتىمدىلىعى دا ارتىپ كەلەدى.
365info.kz
