العاشقى قار تارازدا اعاشتاردى سىندىرىپ، كەي جەرلەردى جارىقسىز قالدىردى - فوتو

تاراز. قازاقپارات - قالالىقتاردى قۋانتقان العاشقى قار وبلىس ورتالىعىنداعى كوممۋنالدى شارۋاشىلىق بويىنشا بىرنەشە ىڭعايسىزدىقتار تۋعىزدى، دەپ حابارلايدى قازاقپارات ءتىلشىسى.

تاراز قالاسى اكىمدىگىنىڭ كولىك جانە تۇرعىن ءۇي- كوممۋنالدىق قىزمەتتەر ءبولىمىنىڭ جەتەكشىسى باقىتجان جاقسىلىقوۆتىڭ حابارلاۋىنشا، جاۋعان قار ەلەكتر سىمدارىنا زاقىم كەلتىرگەن، 140 سىمنىڭ ءۇزىلۋى تىركەلدى، شامامەن 130 ترانسفورماتورلىق كابەل اجىراتىلعان.

قالاداعى جۇزدەگەن ءۇي جارىقسىز قالدى. ۇزىلگەن سىمدار جاياۋ جۇرگىنشىلەردىڭ ومىرىنە قاۋىپ ءتوندىردى. كەيبىر سىم ۇزىلگەن جەرلەرگە پوليتسيا قىزمەتكەرلەرى كەزەكشىلىك ەتتى.

سونىمەن بىرگە، جاپىراقتارى ءتۇسىپ ۇلگەرمەگەن اعاشتار قار سالماعىن كوتەرە الماي، اعاش بۇتاقتارى كوپ سىندى.

ەستەرىڭىزدە بولسا، جاقىندا تارازداعى جىلى اۋا رايى (+24) سينوپتيكتەر ەسكەرتكەندەي، كۇرت سالقىندادى. جىلدامدىعى 15-20 م/سەكۋندكە دەيىن جەتەتىن كۇشتى جەل بولىپ، جاڭبىر اياعى جاپالاقتاپ جاۋعان قارعا ۇلاستى. ءبىر تۇندە تاراز قالاسىندا 25 ميلليمەتر قار ءتۇستى.