مەملەكەتتىك قىزمەتكەرلەر جالاقىسىن بالدىق مەجەمەن الادى
بۇل تۋرالى بۇگىن ق ر پارلامەنتى سەناتىنداعى دوڭگەلەك ۇستەلدە ق ر مەملەكەتتىك قىزمەت ىستەرى جانە سىبايلاس جەمقورلىققا قارسى ءىس- قيمىل اگەنتتىگى ءتوراعاسىنىڭ ورىنباسارى ايگۇل شايىموۆا ءمالىم ەتتى، دەپ حابارلايدى قازاقپارات.
«ناتيجە بويىنشا ەڭبەكتى تولەۋدى ەنگىزۋ تەتىكتەرىنىڭ ءبىرى رەتىندە 2018 -جىلى فاكتورلى- بالدىق مەجە بولماق. قولدانىستاعى تاريفتىك كەستەدەن ايىرماشىلىعىنا توقتالاتىن بولساق، فاكتورلى- بالدىق جۇيە ورىندالاتىن قىزمەتتىڭ اۋقىمىن، جاۋاپكەرشىلىگىن جانە كۇردەلىگىن ەسكەرە وتىرىپ، تولەم جۇيەسىن تۇزەدى»، - دەدى ا. شايىموۆا.
ونىڭ سوزىنە قاراعاندا، قازىرگى كەزدە جۇمىس ناتيجەسى ءۇشىن جاۋاپكەرشىلىكتى ارتتىرۋ ءۇشىن مەملەكەتتىك قىزمەتكەردىڭ جۇمىسىنىڭ تيىمدىلىگىن باعالاۋ جۇيەسى ەنگىزىلدى.
«ا» كورپۋسىنداعى مەملەكەتتىك قىزمەتكەردىڭ جۇمىسىن باعالاۋ جىل سايىنعى كەلىسىم باسىمدىقتارىن جۇزەگە اسىرۋعا نەگىزدەلگەن «ا» كورپۋسى قىزمەتكەرىن العاشقى باعالاۋ بيىلدىڭ جەلتوقسانىندا جۇرگىزىلەدى.
«ب» كورپۋسى مەملەكەتتىك قىزمەتكەرىنىڭ جۇمىسى جەكە جوسپار كورسەتكىشتەرى جەتىستىكتەرىنىڭ نەگىزىندە توقسان سايىن باعالانادى. بيىل ەكى ارالىق باعالاۋ ىسكە اسىرىلىپ، بۇل رەتتە ءتيىستى ناتيجەلەر ايقىندالدى.
ا. شايىموۆانىڭ سوزىنە قاراعاندا، بۇنداي باعالاۋدان 64,5 مىڭ قىزمەتكەر وتكەن كورىنەدى. وسى رەتتە «وتە جاقسى» باعاسىن مەملەكەتتىك قىزمەتكەرلەردىڭ 63 پايىزى، «جاقسى» كورسەتكىشىن - 11 پايىزى، ال «قاناعاتتانارلىق» باعاسىن قىزمەتكەرلەردىڭ 26 پايىزى الدى.
اۆتور: رۋسلان عابباسوۆ
