قازاقستاندا سالافيلەر سانى ازايدى
بۇل تۋرالى ورتالىق كوممۋنيكاتسيالار قىزمەتىندەگى بريفينگتە ەلىمىزدىڭ ءدىن ىستەرى جانە ازاماتتىق قوعام ءمينيسترى نۇرلان ەرمەكبايەۆ ءمالىم ەتتى، دەپ حابارلايدى قازاقپارات.
«قازىرگى ۋاقىتتا سالافيزمدى ۇستانۋشىلاردىڭ سانى ازايىپ كەلە جاتقاندىعى بايقالادى جانە ولاردىڭ قازاقستاندا ۇيىمداسقان قۇرىلىمى جوق. ءبىزدىڭ مۇنان ارعى جۇمىسىمىز سالافيزم يدەولوگياسىن ناسيحاتتايتىن ينتەرنەت- سايتتاردىڭ، ادەبيەتتەردىڭ تارالۋىنا جول بەرمەۋگە باعىتتالاتىن بولادى»، - دەدى ەرمەكبايەۆ.
ونىڭ ايتۋىنشا، قازىرگى زامانعى قازاقستاندىق قوعام سالافيزم اعىمىنىڭ تارالۋىنا زاڭمەن شەكتەۋ قويۋسىز- اق توسقاۋىل بولا الادى. دەگەنمەن ول ءۇشىن بۇل ىستە بۇكىل قوعام جۇمىلا ارەكەتكە بارۋى قاجەت.
«بۇگىنگى كۇنى يسلام الەمىندە سالافيزم يدەياسى بەدەلدى ءدىن قايراتكەرلەرى مەن الدىڭعى قاتارلى يسلام ويشىلدارى وكىلدەرى تارابىنان سىنعا ۇشىراۋدا»، - دەدى مينيستر.
اۆتور: مارلان جيەمباي
