13:34, 14 - قازان 2016 | GMT +5
نۇرسۇلتان نازاربايەۆ تايلاند حالقىنا كوڭىل ايتتى
استانا. قازاقپارات - قازاقستان پرەزيدەنتى نۇرسۇلتان نازاربايەۆ تايلاند كورولى پحۋميپون ادۋليادەتتىڭ قايتىس بولۋىنا بايلانىستى تايلاند كورولدىگىنىڭ پرەمەر- ءمينيسترى پرايۋت چان- وچاعا كوڭىل ايتۋ جەدەلحاتىن جولدادى.
بۇل تۋرالى اقوردانىڭ باسپا ءسوز قىزمەتىنەن حابارلادى.
جەدەلحاتتا تايلاند كورولىنىڭ قايتىس بولعانى تۋرالى حاباردى مەملەكەت باسشىسىنىڭ زور كۇيزەلىسپەن قابىلداعانى ايتىلعان.
«كورول ادۋليادەتتى پاراساتتى باسشى، مەملەكەتتەرىمىز اراسىندا دوستىق قاتىناستار ورناۋىنا جانە نىعايۋىنا ەرەكشە ۇلەس قوسقان كورنەكتى تۇلعا رەتىندە قازاقستاندىقتار ءاردايىم ەستە ساقتايدى»، - دەپ جازىلعان كوڭىل ايتۋ جەدەلحاتىندا.
نۇرسۇلتان نازاربايەۆ قايعىعا ورتاقتاسىپ، ءوزىنىڭ جانە قازاقستان حالقىنىڭ اتىنان پرايۋت چان- وچاعا، كورولدىڭ وتباسى مۇشەلەرىنە جانە بارشا تايلاند حالقىنا كوڭىل ايتتى.
