سەمەيدە قاتەرلى ىسىككە قارسى شيە وسىرىلمەك

استانا. قازاقپارات- شاكارىم اتىنداعى سەمەي مەملەكەتتىك ۋنيۆەرسيتەتىنىڭ عالىمدارى ۆەنگرلىك ارىپتەستەرىمەن بىرگە قاتەرلى ىسىكتىڭ الدىن الاتىن شيە اعاشتارىن ءوسىرۋدى قولعا الماق.

بۇل تۋرالى وقۋ ورنىنىڭ باسپا ءسوز قىزمەتى حابارلايدى.

 عالىمدار شيە اعاشىنىڭ بىرنەشە تۇرلەرىن سىناققا الۋدى جوسپارلاپ وتىر. مامانداردىڭ ايتۋىنشا، شاكارىم ۋنيۆەرسيتەتىندە بيوتيكالىق جانە ابيوتيكالىق فاكتورلارىنا بەكەم شيە جيدەگىنىڭ ءوسىپ شىعۋىنا بارلىق جاعداي جاسالعان.

ۆەنگريادان كەلگەن عالىمدار شيە جيدەگى تۋرالى «اگروسەمەي-2016» حالىقارالىق اگروكورمەسىندە كەڭىنەن اڭگىمەلەدى. شىرىندى جەمىستىڭ ادام اعزاسىنا پايدالى تۇستارىن اتاپ ءوتىپ، ەڭ باستىسى قاتەرلى ىسىككە قارسى دارۋمەن رەتىندە جينالعان قاۋىمنىڭ نازارىنا ۇسىندى. كۇندەلىكتى قولدانىسقا يە شيە جيدەگى ر- ۆيتاميندارىنىڭ ادام اعزاسىندا جۇرەك- قان تامىرلارىنىڭ بەلسەندى تۇردە جۇمىس جاساۋىنا ىقپال ەتەدى. ۆەنگر عالىمدارىنىڭ ايتۋى بويىنشا، انتوتسياندار جۇرەك قان تامىرلارىنىڭ نىعايتىپ، ينسۋلت، ينفاركت، قاتەرلى ىسىكتەردىڭ الدىن الادى.

 اۆتورى: بولات كوكەناي ۇلى

www.khabar.kz