09:46, 14 - قازان 2016 | GMT +5
فرانسيادا ابايدىڭ ەسكەرتكىشى اشىلدى
استانا. قازاقپارات - فرانسيانىڭ رەن قالاسىندا ابايدىڭ ەسكەرتكىشى اشىلدى.
بۇل تۋرالى ءداستۇرلى ءانشى ەرلان رىسقالي ءوزىنىڭ فەيسبۋكتەگى پاراقشاسىندا حابارلادى.
«فرانسيانىڭ رەن قالاسىنداعى الماتى ساياباعىندا اباي اتامىزدىڭ ەسكەرتكىشى اشىلدى. فرانسۋزدىڭ اتاقتى اقىنى لۋي اراگون «ءبىزدىڭ فرانسۋزدا ابايعا تەڭ كەلەر اقىن جوق. بولعان ەمەس. ونىڭ شىعارمالارى 19- عاسىردىڭ ەڭ ۇزدىك كلاسسيكاسىنا جاتادى» دەگەن ەكەن. كەشكە وسى شاراعا بايلانىستى ارنايى كونسەرت بەرەمىز»، - دەپ جازدى ءانشى پاراقشاسىنا.
