اتىراۋ وبلىسىندا كادىمگى قويدىڭ ءجۇنى توسەلگەن جولدار بار
دەپ حابارلايدى «حابار-24» تەلەارناسى.
قازىر جاباعى جامىلعان دالا جولىندا اۆتوكولىكتەر الاڭسىز جۇيتكىپ ءجۇر. ايتا كەتكەن ءجون، جالپى مۇنايلى وڭىردە قوي، تۇيە ءجۇنى مەن تەرىسىنە ءتىپتى، كەزىندە التىنعا باعالانعان قاراكول ەلتىرىسىنە دە مۇلدە سۇرانىس جوق. قازىر جاسقايرات اۋىلىندا 40 تونناعا تارتا قوي ءجۇنى جيناۋلى تۇر. ەگەر ءبىر شارۋشالىقتىڭ وزىندە 14 مىڭنان استام قوي مەن 150 باس تۇيە مالى بارىن ەسكەرسەك، قانشاما بايلىقتىڭ ءراسۋا بولىپ جاتقانىن كوزگە ەلەستەتۋ قيىن ەمەس.
«مال بولعاسىن، ودان ءونىم العاسىن ونىمدەردىڭ وتكەنىن، سودان پايدا كورگەندى ءتاۋىر كورەمىز. ەندى بىزگە مۇمكىنشىلىك بولسا، وسى اتىراۋ وبلىسى دەمەيىن، قازاقستاننىڭ وزگە اۋماقتارىندا ءبىر زاۋىت اشىپ، وسى ونىمدەرىمىزدى وڭدەيتىن ارزان دا بولسا، الاتىن ورىن بولسا، مۇمكىنشىلىك جاساسا دەيمىز. تەك قانا ءجۇن ەمەس، ءبىزدىڭ قويدىڭ تەرىلەرى، قازىر قاراكولدىڭ تەرىلەرىنە دە ەشقانداي سۇرانىس جوق». -دەيدى «اتىراۋ اگرو ونىمدەرى» ج ش س باس ديرەكتورىنىڭ ورىنباسارى باۋىرجان يساقۇلوۆ.
