08:07, 14 - قازان 2016 | GMT +5
بىرىككەن ۇلتتار ۇيىمىنىڭ جاڭا باس حاتشىسى بەكىتىلدى
استانا. قازاقپارات - ب ۇ ۇ باس اسسامبلەياسى پورتۋگاليانىڭ بۇرىنعى پرەمەر- ءمينيسترى انتونيۋ گۋتتەريشتى 2017 -جىلدىڭ 1 - قاڭتارىنان باستاپ اتالمىش ۇيىمنىڭ باس حاتشىسى لاۋازىمىنا بەكىتتى،
دەپ حابارلايدى قازاقپارات Reuters اگەنتتىگىنە سىلتەمە جاساپ.
67 جاستاعى گۋتتەريش بۇل قىزمەتتە بىرىككەن ۇلتتار ۇيىمىن قاتارىنان ەكى مەرزىم باسقارىپ كەلگەن 72 جاستاعى پان گي مۋندى الماستىرادى.
جاڭا باس حاتشى ەكىنشى مەرزىمگە قايتا ۇسىنىلۋ قۇقىعىمەن 5 جىلعا سايلاندى. ب ۇ ۇ باسشىسىن تاڭداۋ پروتسەسى شىلدە ايىنىڭ سوڭىندا باستالدى. اۋەلدە اتالمىش لاۋازىمعا 13 ادام ب ا ق تالاستىردى، ونىڭ جەتەۋى - ايەلدەر. جابىق تۇردەگى داۋىس بەرۋدىڭ بارلىعى 7 كەزەڭى ءوتتى. ولاردىڭ بارىسىندا گۋتتەريش جالعىز ۇمىتكەر بولىپ قالدى.
انتونيو گۋتتەريش 1949 -جىلى ليسسابوندا دۇنيەگە كەلدى. ول پورتۋگاليا ۇكىمەتىن 1995-2002 -جىلدار ارالىعىندا باسقاردى. 2005-2016 -جىلدار كەزەڭىندە گۋتتەريش ب ۇ ۇ- نىڭ بوسقىندار جونىندەگى جوعارعى كوميسسارى قىزمەتىن اتقاردى.
