04:45, 14 - قازان 2016 | GMT +5
دۋبايداعى كورمەدە قازاقستان پاۆيلونى اشىلادى
ءابۋ- دابي. قازاقپارات - دۋبايداعى جانە ب ا ءا سولتۇستىك امىرلىكتەرىندەگى ق ر باس كونسۋلى ارمان يساعاليەۆ «Global Village» كورمە ويىن- ساۋىق كەشەنىنىڭ باس ديرەكتورى احماد حۋسەين بەن يسامەن كەزدەستى، دەپ حابارلادى قازاقپارات.
كەزدەسۋدە اتالعان كورمەدە قازاقستان پاۆيلونىن اشۋ، سونىمەن قاتار قازاقستان تاۋەلسىزدىگىنىڭ 25 -جىلدىعىن تويلاۋ قارساڭىندا «Global Village» كەشەنىندە قازاقستان كۇندەرىن وتكىزۋ كەلىسىمىنە قول جەتكىزىلدى.
«Global Village» كەشەنى 1997 -جىلى اشىلدى جانە ول دۋبايدىڭ كورىكتى ورىندارىنىڭ ءبىرى بولىپ سانالادى. وعان كەلۋشىلەردىڭ سانى جىل سايىن 6 ميلليون ادامعا جەتەدى. كورمە 30 دان استام پاۆيلوندى بىرىكتىرەدى.
