استانادا ورىنبور كوشەسىن ماڭگىلىك ەل دەپ وزگەرتۋ جونىندە ۇسىنىس جاسالدى

استانا. قازاقپارات - ەلوردانىڭ ونوماستيكا كوميسسياسىنا ورىنبور كوشەسىن «ماڭگىلىك ەل» دەپ وزگەرتۋ تۋرالى ۇسىنىس كەلىپ ءتۇستى.

بۇل تۋرالى بۇگىن «استانا قالاسىنىڭ ءبىرقاتار كوشەلەرىنە اتاۋ بەرۋ جانە قايتا اتاۋ تۋرالى» تاقىرىپتا وتكەن قوعامدىق تىڭداۋ بارىسىندا قالالىق تىلدەردى دامىتۋ جونىندەگى باسقارمانىڭ باسشىسى تىلەۋعالي قىشقاشبايەۆ حابارلادى.

«ورىنبور كوشەسىنىڭ اتاۋى قايتا وزگەرۋى مۇمكىن. ورىنبور - ءبىزدىڭ العاشقى استانامىز ەكەنىن بارلىقتارىڭىز بىلەسىزدەر. الايدا ورىنبور كوشەسى اتاۋى تولىق وشىرىلمەيدى، ول باسقا جەردە پايدا بولۋى مۇمكىن (...). استانا تۇرعىندارى (ۇسىنىستى - رەد) قولداپ وتىر(...). داڭعىل ماڭگىلىك ەل بولىپ وزگەرۋى مۇمكىن»، - دەپ اتاپ ءوتتى ول.

ونىڭ ايتۋىنشا، بۇعان داڭعىلدىڭ بويىندا «ماڭگىلىك ەل» تريمفالدى قاقپاسىنىڭ ورنالاسۋى سەبەپشى بولىپ وتىر. كوشە اتاۋىن وزگەرتۋ تۋرالى ۇسىنىس قالانىڭ زيالى قاۋىم وكىلدەرىنەن كەلىپ تۇسكەن.

تىلەۋعالي قىشقاشبايەۆتىڭ اتاپ وتۋىنشە، جالپى العاندا قالانىڭ ونوماستيكا كوميسسياسىنا 77 ءوتىنىم كەلىپ تۇسكەن، ونىڭ 20 سى بويىنشا ۇسىنىستار ەسكەرىلىپ، قالعاندارى كەرى قايتارىلعان.