مىسىر پيراميدالارى جەكەمەنشىككە بەرىلە باستالدى

 استانا. قازاقپارات - ەگيپەت ەلىنىڭ بيلىگى گيزا اڭعارىنداعى پيراميدالاردىڭ باقىلاۋ مەنشىگىن جەكە كومپانيالارعا بەرۋگە شەشىم قابىلدادى.

  بۇل شەشىم پيراميدالاردى الەمدىك ستاندارتتارعا ساي كەشەندى تۇردە جاقسارتۋ جانە قىزمەت كورسەتۋ ساپاسىن ارتتىرۋ ماقساتىندا قابىلدانىپ وتىر.

جەكە مەنشىك كومپانيالار گيزا اڭعارىنداعى مىڭداعان ەسكەرتكىشتەردىڭ تازالىعى، ءتارتىبى مەن قاۋىپسىزدىگىنە جاۋاپتى بولادى. العاشقى كەلىسىم- شارت تەك ءبىر جىلعا عانا جاسالادى. ونىڭ قۇنى 5 ميلليون مىسىر فۋنتى (شامامەن 12,5 ميلليون تەڭگە) بولىپ تابىلادى.

جالپى باسشىلىقپەن جانە قاۋىپسىزدىكپەن ەكى باسقا كومپانيالار اينالىساتىن بولادى. ويتكەنى، پيراميدا اڭعارىندا قىزمەت كورسەتۋ دەڭگەيىنىڭ تومەن بولۋى سەبەبىنەن ەگيپەت ورگاندارىنىڭ ۇزاق ۋاقىت بويى سىنعا ۇشىراپ كەلگەنىن اتاپ وتكەن ءجون. تۋريستەر كوبىنەسە كافە، مەيرامحانالار مەن دەمالىس ورىندارى رەتىندە جۇمىس ىستەيتىن جەرلەردىڭ لاس جانە قاۋىپسىزدىك دەڭگەيىنىڭ تومەندىگى جايلى شاعىمدانىپ كەلگەن.

Muslim.kz