17:27, 13 - قازان 2016 | GMT +5
جۇمەكەن ناجىمەدەنوۆتىڭ كىتابى قىتاي ەلىندە جارىق كوردى
استانا. قازاقپارات - قىتاي حالىق رەسپۋبليكاسىندا قازاقتىڭ ماڭدايىنا بىتكەن «جۇلدىز اقىنى» جۇمەكەن ناجىمەدەنوۆتىڭ «قوڭىر داپتەر» اتتى كىتابى 3000 دانامەن جارىق كوردى.
«ىلە» باسپاسىنان شىققان كىتاپقا اقىننىڭ ولەڭدەرى توپتاستىرىلىپ بەرىلدى. توتە جازۋمەن جارىق كورگەن كىتاپتار بۇگىندە قىتاي دۇكەندەرىنىڭ سورەلەرىنەن ورىن تاۋىپ، تەز تارالۋدا.
كوكىرەگىمنىڭ ءۇمىتى مەن تىلەگى
كۇي بوپ تۇلەپ، كۇن بوپ شىعىپ كۇلەدى.
كۇن استىندا كوك توبەلەر تۇلەدى -
مەنىڭ ەلىم، مەنىڭ ەلىم - گۇل ەلى!
جۇمەكەن وسى قۇندىلىعىمەن كۇللى قازاقتىڭ اقىنى ەكەنىن تاعى دا دالەلدەدى دەسەك بولادى. كىتاپتى باسپاعا دايىنداعان قازاقتىڭ قوس بىردەي ازاماتتارى ادال قاليبەك ۇلى جانە مۇرات شايماران.
massaget.kz
