الماتى وبلىسىنداعى جەتىمدەر ۇيىندەگى جاعدايلار وبلىس اكىمىنىڭ جاعاسىن ۇستاتتى - فوتو

تالدىقورعان. قازاقپارات - بيىل الماتى وبلىسىندا بىردە- ءبىر جەتىمگە پاتەر بەرىلمەگەن. مۇنداي سۇمدىق جايتتى ارنايى تەكسەرىس كەزىندە الماتى وبلىسىنىڭ پروكۋراتۋراسى انىقتادى دەپ حابارلايدى قازاقپارات ءتىلشىسى.

سونداي-اق بالالار ۇيىندە تاربيەلەنۋشىلەردىڭ تاعامدارىن 3 ەسە از بەرگەنى دە انىقتالدى. بۇل فاكت شەلەك بالالار ۇيىندە، تالعار قالاسىنداعى «ايالا»، تالدىقورعان قالاسىنداعى مۇمكىندىگى شەكتەۋلى بالالارعا ارنالعان «قامقور» ۇيىندە ورىن العان.

بالالار ۇيىندە وزگە دە جاعا ۇستاتارلىق جايتتاردىڭ بەتى اشىلدى. انىقتالعانداي جاركەنت قالاسىنداعى ينتەرنات- مەكتەپتىڭ ديرەكتورى ەش نەگىزسىز مەدالدار مەن سەرتيفيكاتتار ساتىپ العان. ءاربىر مەدالدىڭ باعاسى 200-500 مىڭ تەڭگە كولەمىندە. وسىعان ۇقساس جاعداي «ايالا»، «تالعار»، «قامقور» بالالار ۇيلەرىندە دە ورىن العان. ءتىپتى بالالار ۇيلەرىندە ميلليونداعان قارجىعا الىنعان قۇرىلعىلار دا قولدانىلماعان جايتتار كەزدەسكەن. ماسەلەن، «قامقور» بالالار ۇيىندە بەس جىلدان بەرى قۇنى 2,5 ميلليون تەڭگە تۇراتىن قوندىرعى قولدانباعان.

ال «شەلەك» بالالار ءۇيى وسىدان ءبىر جارىم جىل بۇرىن العان «بيوپترون» اپپاراتى ءتىپتى الىنعان قورابىنان دا شىعارىلماعان. وسىنداي سۇمدىق فاكتىلەردى ءوزىنىڭ بايانداماسىندا الماتى وبلىسى پروكۋراتۋراسىنىڭ باسقارما باسشىسى ءسابيت چەمبەكوۆ ءمالىم ەتتى. اتالعان جايت جيىنعا قاتىسىپ وتىرعان الماتى وبلىسىنىڭ اكىمى اماندىق باتالوۆتىڭ جاعاسىن ۇستاتتى. «جەتىمدەردىڭ اقشاسىن جەگەندەر، قۇدايدان قورقىڭدار»، - دەدى وبلىس اكىمى.

سونداي-اق، پروكۋرور س. چەمبەكوۆ 2014-2015 ج ج. ارالىعىندا 3 مىڭنان اسا اتا-انا قامقورىنسىز قالعان بالالاردىڭ تەك 226 سى مەملەكەت تاراپىنان ءۇي العانىن اتاپ ءوتتى.

سامال قابىشەۆا