گرەكيادا نەگە بىردە- ءبىر مەشىت جوق؟

استانا. قازاقپارات - گرەك جەرىندە مۇسىلماندار بولسا دا، ولاردىڭ عيباداتحانالارى ءالى كۇنگە دەيىن سالىنباپتى. افينا بىردە- ءبىر يسلامي عيماراتى جوق ەۋروپا استاناسى سانالادى.

 مۇسىلمانداردىڭ قۋانىشىنا وراي، ەندى بۇل ەلدە ەڭ العاشقى مەشىت بوي كوتەرمەك. مۇسىلماندار قانشا جىلدان بەرى اڭساپ كەلە جاتقان مەشىتتىڭ قۇرىلىسى باستالىپ تا كەتتى.

ونىڭ ۆوتانيكس دەگەن اۋداندا سالىناتىنىن Greek Reporter- گە سىلتەمە جاساي وتىرىپ، IslamNews حابارلايدى. اتالعان مەشىت قۇرىلىسى گرەكيانىڭ اسكەري- تەڭىز كۇشىنىڭ كازارماسىنىڭ عيماراتىندا جۇرگىزىلەدى.

 مەشىت قۇرىلىسىن جۇرگىزۋ تۋرالى ۇسىنىس قانشاما رەت كەرى قايتارىلىپ، ونى مۇسىلماندار جىلداپ كۇتكەن ەدى. جۇما نامازى جەرتولەلەردە، تۇراقتاردا جانە ت. ب. ەلەۋسىز جەرلەردە وتكىزىلدى. مۇسىلمانداردىڭ دۇعالارىنىڭ قابىل بولعانى شىعار، سوڭىندا ەل پارلامەنتى قۇرىلىس رۇقسات بەرۋ جونىندە شەشىمگە كەلدى.

مەشىت قۇرىلىسىنا ەل بيۋدجەتىنەن  887000 يەۆرو بولىنگەن. جارتى جىلدا مەشىت قۇرىلىسى تولىق اياقتالادى دەپ وتىر.

muslim.kz