مايكل دجەكسون ولىمنەن كەيىن «تابىس تاۋىپ جاتقان» جۇلدىزدار ءتىزىمىن باستادى

استانا. قازاقپارات - ءانشى مايكل دجەكسون دۇنيەدەن وزعاننان كەيىن دە اقشا «تاۋىپ جاتقان» تانىمال ادامداردىڭ جىل سايىنعى رەيتينگىندە ۇلكەن باسىمدىقپەن كوش باستادى.

رەيتينگ Forbes جۋرنالىندا جاريالاندى، دەپ حابارلايدى قازاقپارات «ت ا س س» اگەنتتىگىنە سىلتەمە جاساپ.

 باسىلىم قىزمەتكەرلەرى ەسەپتەپ شىققانداي، 2009 - جىلى قايتىس بولعان «پوپ- مۋزىكا كورولى» ەڭبەگىنىڭ جەمىسى، سونداي- اق ونىڭ يەلىگىندە بولعان وپەراتسيالار 12 ايدىڭ ىشىندە ءانشىنىڭ مۇراگەرلەرىنە بارلىعى 825 ميلليون ا ق ش دوللار الىپ كەلدى. ونىڭ 750 ميلليون دوللارى دجەكسوننىڭ الەمدەگى ەڭ ءىرى Sony/ATV دىبىس جازۋ كومپانياسىنداعى ۇلەسىن ساتۋدان ءتۇستى. ءانشى اتالمىش رەيتينگتى ءتورتىنشى جىل باستاپ كەلەدى.

ءتىزىمنىڭ ەكىنشى ورنىندا 2000 -جىلى دۇنيەدەن وزعان امەريكالىق سۋرەتشى- كاريكاتۋراشى چارلز شۋلتس تۇر. ەسەپتىك كەزەڭدەگى شۋلتستىڭ «تابىسى» 48 ميلليون ا ق ش دوللارىن قۇرادى.

 ءۇشىنشى پوزيتسياعا اعىمداعى جىلدىڭ قىركۇيەگىندە قايتىس بولعان كاسىبي گولفشى ارنولد پالمەر ورنىقتى. ونىڭ ناتيجەسى 40 ميلليون ا ق ش دوللارى.