ۇلتتىق بانك تەڭگەنىڭ بۇرىنعى پورترەتتىك سەرياسىن شىعارۋعا قارسى ەمەس
استانا. قازاقپارات - بۇگىن استانادا وتكەن «تەڭگە - تاۋەلسىز قازاقستاننىڭ ۆاليۋتاسى» تاقىرىبىنداعى كونفەرەنسيا اياسىندا جۋرناليستەرگە سۇحبات بەرگەن ق ر ۇلتتىق بانكى ءتوراعاسىنىڭ ورىنباسارى دينا عاليەۆا، قازاق حالقىنىڭ ۇلى تۇلعالارى بەينەلەنگەن تەڭگەنىڭ العاشقى سەرياسىن قايتا شىعارۋعا قاتىستى ءوز پىكىرىن ءبىلدىردى،
دەپ حابارلايدى قازاقپارات ءتىلشىسى.
«بانكنوتتاردىڭ العاشقى سەرياسىندا پورترەتتەر بولدى. ارتىنان ول سەريا جالعاستى. ءبىراق تەڭگەلەردىڭ باسىم بولىگىندە ءال- فارابيدىڭ پورترەتى باسىلدى. ودان كەيىن بايتەرەك، سوسىن قازىرگى اينالىمدا جۇرگەن«قازاق ەلى» دەگەن سەريا شىقتى. ءبىز ونى «سامۇرىق» سەرياسى دەپ اتايمىز»، - دەيدى د. عاليەۆا.
وسى ورايدا جۋرناليستەر «بۇرىنعى پورترەتتىك سەريا قايتا شىعارىلۋى مۇمكىن بە؟» دەگەن سۇراق قويدى.
«شىنى كەرەك، پورترەتتىك سەريانى ادامدار جاقسى قابىلدايدى. نەگە؟ سەبەبى ونداي بانكنوتتار حالىققا جاقىن، ونداي اقشاعا دەگەن ازاماتتاردىڭ سەنىمى مىقتى بولادى. بۇل - مەنىڭ جەكە پىكىرىم. ال پورترەتتىك سەريانى شىعارۋ، ءيا بولماسا، شىعارماۋ ماسەلەسى ديزاينەرلەرگە بايلانىستى. ءبىز ولاردىڭ ۇسىنعان ۇلگىلەرىنە قارايمىز»، - دەپ اتاپ كورسەتتى د. عاليەۆا.
ارمان اسقاروۆ 
