استانادا قوستاناي جانە وڭتۇستىك قازاقستان وبلىستارىنىڭ كۇندەرى وتەدى

ەلوردالىقتار قوستاناي جانە وڭتۇستىك قازاقستان وبلىستارىنىڭ ءتۇرلى مادەني شارالارىن دا تاماشالايدى، دەپ حابارلايدى قازاقپارات استانا اكىمدىگىنىڭ باسپا ءسوز قىزمەتىنە سىلتەمە جاساپ.

15-16 - قازاندا قالالىق الاڭدا قوستاناي وبلىسىنىڭ اۋىل شارۋاشىلىعى تاۋارلارىن وندىرۋشىلەر ءوز ونىمدەرىن ۇسىنادى. شاراعا ءوڭىردىڭ 14 اۋدانى مەن 3 قالاسىنان 74 كاسىپورىن قاتىسادى. جالپى كولەمى 360 توننا ءونىمنىڭ 100 استام ءتۇرى ساتىلادى.

ال «حان شاتىر» ساۋدا ويىن- ساۋىق ورتالىعىنىڭ جانىندا وڭتۇستىك قازاقستان وبلىسىنىڭ جارمەڭكەسى وتەدى.

«قۋاتتى ءوڭىر - قۋاتتى قازاقستان» شاراسى اياسىندا و ق و دەلەگاتسياسى استانالىقتاردى ءوڭىردىڭ تاريحىمەن، مادەنيەتىمەن جانە نەگىزگى جەتىستىكتەرىمەن تانىستىرادى. 15 - قازاندا ساعات 11.00 ق ر ۇلتتىق مۋزەيىندە «شىرايلى وڭتۇستىكتىڭ شەجىرەسى» اتتى كورمە اشىلادى. سونداي- اق، ساعات 15.00 ق ر ۇلتتىق اكادەميالىق كىتاپحاناسىندا «ۇلىسىمنىڭ ۇيىتقىسى - وڭتۇستىك» اتتى كىتاپ كورمەسى مەن اقىن- جازۋشىلار كەزدەسۋى وتەدى.

مۇنىمەن قوسا، 15-16 - قازاندا ساعات 11-دەن 17-گە دەيىن وقۋشىلار سارايىندا «بالالارعا - بازارلىق»، «تولاعاي»، «قازاقستان بارىسى»، «قازاقستان برەندى»، «قوشقار اتا مەن تەكە»، «مومىن جانە قاراقشىلار»، «مۇڭلىق - زارلىق»، «ناۋرىزەك» انيماتسيالىق فيلمدەرى كورسەتىلەدى. 15- قازاندا ساعات 18-دە «جاستار» تەاترىندا ج. شانين اتىنداعى وبلىستىق قازاق دراما تەاترىنىڭ ارتىستەرى س. دوسانوۆتىڭ «توزاق شەڭبەرى» اتتى سپەكتاكلىن كوپشىلىك نازارىنا ۇسىنادى.

16- قازاندا ساعات 12.00 قارتتار مەن مۇگەدەكتەرگە ارنالعان مەديتسينالىق الەۋمەتتىك مەكەمە جانە بالالار پسيحونيەۆرولوگيالىق مەديتسينالىق الەۋمەتتىك مەكەمە عيماراتتارىندا «جۇرەكتەن جۇرەككە» قايىرىمدىلىق اكسياسى وتەدى.

وسى كۇنى استانادا ەتنومادەني بىرلەستىكتەردىڭ قاتىسۋىمەن «ەت اسۋ» فەستيۆالى مەن كومپوزيتور ش. قالداياقوۆقا ارنالعان ەسكەرتكىش ورناتۋعا بايلانىستى بەلگى قويۋ سالتاناتى ۇيىمداستىرىلادى.

شارالار لەگى كونگرەسس- حوللدا ساعات 18.00 «ءان شاشۋىم وزىڭە، مەرەيلى استانام!» گالا- كونسەرتىمەن جانە «نۇرىن شاشقان - وڭتۇستىك» فوتوكورمەسىمەن اياقتالادى.