قازاقستاننىڭ شىعىسىندا قار جاۋدى

استانا. قازاقپارات - كەشە ەلىمىزدىڭ شىعىس وڭىرىندە العاشقى قار جاۋدى. تۇسكە دەيىن سەمەي قالاسىندا قار جاۋسا، وسكەمەندە جاڭبىر سوڭى تۇستەن كەيىن جاپالاقتاعان قارعا ۇلاستى.

بۇعان دەيىن وڭىردەگى قىستىڭ العاشقى حابارشىسى بولعان اق قار تاۋلى جەردە ورالاسقان ريددەر قالاسىنا تۇسكەن ەدى. بۇل تۋرالى «ەگەمەن قازاقستان» گازەتى جازدى.

«قازگيدرومەت» سايتىنىڭ مالىمەتىنشە، وسكەمەندە ەرتەڭ دە قار جاۋماق. وبلىس ورتالىعىندا اۋا تەمپەراتۋراسى كۇندىز 4+ 6 + گرادۋس، ال تۇندە 0 2+ گرادۋس بولادى دەپ كۇتىلۋدە. جەكسەنبىدە كۇن رايى اشىق بولعانىمەن، تۇندە اۋا رايى 2- گرادۋسقا دەيىن تومەندەمەك.

ايتا كەتۋ كەرەك، قالاداعى الەۋمەتتىك نىساندار مەن تۇرعىن ۇيلەر جىلۋ جۇيەسىنە تولىعىمەن قوسىلىپ ۇلگەرگەن جوق.