افريكادا ەڭ العاشقى ەلەكتر تەمىر جولى ىسكە قوسىلدى

سالتاناتتى راسىمگە ەفيپويانىڭ پرەمەر- ءمينيسترى مەن دجيبۋتي رەسپۋبليكاسىنىڭ پرەزيدەنتى قاتىسقان. قىزىل لەنتانى كەسكەندەر اراسىندا قىتاي حالىق رەسپۋبليكاسى ءتوراعاسىنىڭ ارنايى وكىلى دە بولدى. ويتكەنى افريكاداعى العاشقى ەلەكتر تەمىر جولى قۇرىلىسىن قىتايلىق كومپانيالار جۇرگىزىپ، ينۆەستيتسيالاردىڭ كوبىن اسپان استى ەلىنىڭ كاسىپكەرلەرى قۇيعان.

 سيۋي شاوشي، قىتاي حالىق رەسپۋبليكاسى ءتوراعاسىنىڭ ارنايى وكىلى - بۇل جول -  قىتاي، ەفيوپيا جانە دجيبۋتي ەلدەرىنىڭ ىنتىماقتاستىعىنىڭ جەمىسى. جوبا تيىمدىلىگىن ارتتىرۋ ءۇشىن جۇمىسشىلاردى دايىنداۋعا كوپ كوڭىل ءبولۋ كەرەك. كەيىننەن ولار مىنا ماگيسترالعا قىزمەت كورسەتىپ، جاڭا تارماقتاردىڭ قۇرىلىسىنا قاتىسادى.

نەگىزى ەفيوپيا يمپورتى مەن ەكسپورتىنىڭ 90 پايىزى كورشى دجيبۋتي رەسپۋبليكاسىنداعى كەمەجاي ارقىلى وتەدى. ويتكەنى مەملەكەتتىڭ تەڭىزگە شىعاتىن جولى جوق. وسى كۇنگە دەيىن پويىزدار 100 جىل بۇرىن سالىنعان تەمىر جولمەن ەكى ارادا 7 تاۋلىك ءجۇرىپ كەلگەن. ەندى ول قاشىقتىقتى 10 ساعات ىشىندە ەڭسەرۋگە بولادى.

حايلەماريام دەسالەن، ەفيوپيانىڭ پرەمەر- ءمينيسترى: - بۇل تەمىر جولدىڭ قورشاعان ورتاعا زيانى از بولادى. ويتكەنى ول ەلەكتر قۋاتىمەن جۇرەدى. سونداي- اق ۋاقىتتى ۇنەمدەۋ جاعىنان ۇتىپ وتىرمىز. سايكەسىنشە، شىعىندارىمىز دا ازايادى. جوبا قۇنى -  4 ميلليارد دوللار. ونى ىسكە اسىرۋ كەزىندە ءبىرقاتار قيىندىقتار تۋىنداعان. ويتكەنى ەفيوپيا بيلىگى قىتايلىقتارعا «قورشاعان ورتاعا كەسىرى تيمەسىن» دەپ شارت قويعان. سوندىقتان قارجىنىڭ ءبىر بولىگى جانۋارلارعا ارنالعان وتكەل سالۋعا جاراتىلدى. ونىمەن قوسا، بىلىكتى مامانداردىڭ جەتىسپەۋشىلىگى دە تۇساۋ بولعان. ناتيجەسىندە اسپان استى ەلىنىڭ كومپانيالارى 15 مىڭعا تارتا جەرگىلىكتى قىزمەتكەردى وقىتىپ ۇيرەتتى.

www.24.kz