الماتى حايۋاناتتار باعى جيرافتىڭ ولىمىنە قاتىستى تۇسىنىك بەردى

الماتى. قازاقپارات - الماتى حايۋاناتتار باعىندا ەكى جاستاعى مەلمان ەسىمدى جيراف مەرت بولدى.

زووباق باسپا ءسوز حاتشىسى توحتار الييەۆتىڭ ايتۋىنشا، جيراف كەشە، 5 -قازاندا ولگەن.

«جيرافتىڭ دەنساۋلىعى جاقسى بولاتىن. كەشە 15:00 دە جۇگىرىپ جۇرگەن. جارتى ساعاتتان كەيىن قۇلاپ ءتۇستى دە، ءولىپ كەتتى»، - دەدى ول.

جيرافقا كەسەل نەدەن كەلگەنى ءالى تولىق زەرتتەلگەن جوق. ت. اليەۆتىڭ ايتۋىنشا، جانۋاردىڭ ولەكسەسى ساراپتاماعا جىبەرىلگەن. 10 جۇمىس كۇنى ىشىندە تولىق ناتيجەسى بەلگىلى بولادى.

«مەلمان ءبىزدىڭ زووباقتا تۋىپ، جەتىلگەن. ول 2010 -جىلى الماتى حايۋاناتتار باعىنا اكەلىنگەن جيرافتىڭ ءتولى ەدى. زووباق جۇمىسشىلارى دا ءالى ەشتەڭە تۇسىنەر ەمەس»، - دەيدى ت. اليەۆ.

ەسكە سالا كەتەيىك، الماتى زووباعىندا مامىر ايىندا «قۇرالاي» اتتى جولبارىس وكپە دەرتىنەن ولگەن بولاتىن.

اۆتور: الماس مۇقاش ۇلى