قازاقستاندا قىتايدىڭ بالىق اۋلارىن ساتۋعا تىيىم سالۋ كەرەك - ەلەۋسىزوۆ
بۇل تۋرالى بۇگىن «تابيعات» ەكولوگيالىق وداعىنىڭ باسشىسى مەلس ەلەۋسىزوۆ ءمالىم ەتتى، دەپ حابارلايدى قازاقپارات.
«قىتايدىڭ كوپ تارالعان بالىق اۋلارىنا توقتالماقپىن. بالقاشتا، قاپشاعاي سۋ قويماسىندا جىل سايىن بولامىن جانە ءبىز تازالاۋ جۇمىستارىن جۇرگىزەمىز. سوندا سۋ ءتۇبى اتالعان اۋلاردان كورىنبەيدى. سوعان بالىقتار ورالىپ قالىپ، قىرىلىپ جاتىر»، - دەدى ول.
وسى رەتتە ەلەۋسىزوۆ اتالعان اۋلاردا پايدالانۋعا، سونىمەن بىرگە ساتۋعا تىيىم سالۋ باستاماسىن كوتەردى.
«بۇل اۋلار كونتراباندالىق جولمەن كەلىپ، بارلىق بالىقشىلار ونى ساتىپ الادى. سوندىقتان ونى ساتۋعا مۇلدەم تىيىم سالعان ءجون. بالقاش زارداپ شەگۋدە. جالپى، بۇل اۋلار بارلىق بالىق شارۋاشىلىعى ءۇشىن تراگەديا بولىپ وتىر. سول سەبەپتى تەز ارادا شەكتەۋ ەنگىزۋ جانە ونى ساتۋشىلاردىڭ بارلىعىن ۇستاۋ قاجەت»، - دەدى ەكولوگيالىق وداق باسشىسى.
ايتا كەتەيىك، ءماجىلىستىڭ اگرارلىق ماسەلەلەر كوميتەتىندە ەلىمىزدەگى بالىق شارۋاشىلىعىنىڭ جاعدايى جانە دامۋ ماسەلەلەرى تالقىلاندى. وتىرىستا ق ر اۋىل شارۋاشىلىعى ۆيتسە-ءمينيسترى ەرلان نىسانبايەۆ تاياۋ ارالىقتا بالىق شارۋاشىلىعىن دامىتۋ ۇكىمەت وتىرىسىندا قارالاتىندىعىن مالىمدەدى.
اۆتور: مارلان جيەمباي
