الەمدەگى ەڭ قاۋىپتى اۋەجايلار

استانا. قازاقپارات - الەمنىڭ كەز كەلگەن جەرىنە ۋاقىتىڭىزدى ۇنەمدەپ جەتۋ ءۇشىن ۇشاقتىڭ تيگىزەر پايداسى مول. ول ءۇشىن تەك ءسىز باراتىن ەلدىڭ اۋەجايى بولسا جەتكىلىكتى.

 بۇگىنگى تاڭدا بارلىق مەملەكەتتە ءوزىنىڭ ارنايى ۇشاق قوندىرار مەكەنى بارى راس. الايدا، جەر جەتپەۋ سەبەبىنەن نەمەسە قولايسىز ورنالاسقاندىعىنان كەيبىر اۋەجايلار قاۋىپتى بولىپ كەلەدى.

 

7. لۋكلا اۋەجايى، نەپال

  نەپال مەملەكەتىنىڭ شىعىسىندا ورنالاسقان لۋكلا اۋەجايىنىڭ ءبىر شەتى شاتقال بولسا، ەندى ءبىر قيىرى جارتاس بولىپ كەلەدى. 2900 مەتر جەردە ورنالاسقان ۇشاق جولىنىڭ تىم قاۋىپتى ەكەنى العاشقى اشىلۋىنان باستاپ- اق بەلگىلى بولعان. 1949 -جىلى ەۋرو وداقتىڭ ءبىرتۇتاس شەشىمى بويىنشا ەروپانىڭ 28 مەملەكەتىنە وسى جەردەن كوتەرىلگەن ۇشاقتارعا قونۋعا تىيىم سالىنعان. بۇگىنگە دەيىن 70 تەن استام اۋە اپاتى ورىن الىپ، 700 گە جۋىق ادام جان ءتاسىلىم ەتكەن. لۋكلا اۋەجايىنىڭ قازىرگى ۋاقىتقا دەيىن جۇمىس ىستەۋ سەبەبى اتاقتى ەۆەرەست شىڭىنا شىعۋشىلارعا ەڭ جاقىن نۇكتە بولىپ تابىلادى. 2008 -جىلى نەپال بيلىگى اۋەجايعا الەمنىڭ ەڭ بيىك شىڭىن العاش بولىپ باعىندىرعان ەدمۋند حيللاريدىڭ ەسىمىن بەرگەن. الايدا، ءالى كۇنگە دەيىن مۇندا كەلەتىن تۋريستەر لۋكلا دەپ اتايدى.

 

6. مادەيرا اۋەجايى

 مادەيرا اۋەجايى 1977 -جىلعى قايعىلى اپاتىمەن كوپشىلىك ەسىندە قالعان. "TAP Portugal Flight" ۇشاعىنىڭ بورتىنداعى 425 ادامنىڭ 131 ءى وسى اپاتتان اجال قۇشقان. فۋنشال قالاسىنا جاقىن ورنالاسقان اۋەجايدىڭ ۇشاق قوناتىن جولىنىڭ قىسقا بولعاندىعىنان اپاتتان كەيىن 400 مەترگە ۇزارتقان. 2003 -جىلى مۇحيت بەتىنە ارنايى كوپىر سالىنىپ تاعىدا ەكى ەسەگە وسكەن. تاڭعاجايىپ كوپىردىڭ ارقاسىندا كوپتەگەن حالىقارالىق سىيلىقتارعا يە بولعان. سونىڭ ەڭ ۇلكەنى ينجەنەرلەر اراسىنداعى "وسكار" سىيلىعىن دا جەڭىپ العان.

 

5. حالىقارالىق باررا اۋەجايى

  حالىقارالىق باررا اۋەجايى -  الەمدەگى تەڭىز جاعاسىنا ۇشاق قوندىراتىن جالعىز اۋەجاي. شوتلانديانىڭ باررا ارالىنداعى جاعاجايدا ورنالاسقان. ەگەر ءسىز وسى ءبىر كەرەمەت مەكەنگە جول تارتساڭىز، گلازگو جانە بەنبەكالا اۋەجايىنان عانا ۇشاققا وتىرا الاسىز. كەشكى رەيستەرگە قالىپ قويساڭىز جاعاجايدان اۆتوكولىكتەردىڭ جارىعىمەن ورنالاسقان اۋەجايدى كورەسىز. بۇل جەردە بارلىعى شىنايى بولعاندىقتان، جاعاجايدا قاتتى ءبىر ۇشاقتارعا ارنالعان جاعداي جاسالماعان.

 

4. گۋستاۆ Ⅲاۋەجايى. سان- بارت

  شۆەتسيادا ورنالاسقان اۋەجايعا ءۇشىنشى گۋستاۆ كورولدىڭ ەسىمى بەرىلگەن. اتالعان مەكەن كوبىنە جۇك تاسىمالىنا ىڭعايلى. جيىرماعا جۋىق جاندى عانا بورتىنا مىنگىزىپ، قالعانىنا جۇك ارتاتىن ۇشاقتار جاقىن جەرلەرگە قاتىنايدى. 1785 -جىلى فرانسيادان ازات ەتىلگەن جەرگە سالىنعار اۋەجاي جاعالاۋدا دەمالىپ جاتان جۇرتشىلىقتىڭ ۇستىنەن ۇشادى.

 

3. كۋرشيەۆەل اۋەجايى (فرانسيا)

  ءالپى تاۋلارىنىڭ ماڭىنداعى شاڭعى دەمالىس ايماعىندا سالىنعان اۋەجاي. ۇشاق جولى نەبارى 525 م جەردى قۇرايتىن اۋەجايدا تەك كاسىبي پيلوتتار عانا ءوز كولىكتەرىن يگەرە الادى. سوندىقتان مۇندا جول تارتقان رەيستەردىڭ ەڭ ءبىرىنشى جۇرگىزۋشىلەرى قاتتى تەكسەرىستەن وتكىزىلەدى.

 2. Juancho E. Yrausquin اۋەجايى. سابا ارالى

 ەكى جاعى دا شاتقالدا ورنالاسقان جانە ۇشاق جولى ەڭ قىسقا «Juancho ە. Yrausquin» اۋەجايى نيدەرلانديا مەن انتيل ارالدارىندا ورنالاسقان. كوپتەگەن پيلوت ءۇشىن وسىندا باعىتتالعان رەيستەر قاۋىپتى بولىپ كەلەدى. مۇندا ءسال جاسالعان قاتەلىك قايعىلى وقيعامەن اياقتالاتىنىنا ەشكىم ءشۇبا كەلتىرمەيدى. سوندىقتاندا اۋە كومپانيالارى بۇل باعىتقا تەك ارنايى دايىندىقتان وتكىزىلگەن مامانداردى عانا ۇشىرۋعا تىرىسادى.

 1. حالىقارالىق Juliana اۋەجايى

 حالىقارالىق Juliana اۋەجايى قانشا قاۋىپتى بولعانىمەن، مۇندا اشىلعاننان بەرى اپاتتىق جاعداي ورىن الماعان. تەك ۇشاقتار جاعاجايداعى ادامداردىڭ بيىكتىگىنەن 10-20 مەتر بيىكتەن ۇشاتىندىعىنان قاۋىپتىلەر قاتارىنان ورىن الۋدا. سەنت مارتين ارالىنداعى اۋەجاي تالايدى تاڭقالدىرىپ جاتادى. كەيدە ءتىپتى تۋريستەردىڭ تۇسىرگەن ءساتتى كادرلەرىن فوتوشوپپەن جاسالعان دەپ، بايبالام سالاتىندار دا جەتكىلىكتى.

massaget.kz