قاشاعاننان مۇناي ءوندىرۋدى كەشىكتىرۋگە بولمايدى
« ەگەر ءبىز مۇناي ءوندىرۋدى ارتتىرساق، ساتىلىم نارىعىن جوعالتامىز. قانشا مۇناي وندىرەتىنىمىز ماڭىزدى ەمەس، ونى كىمگە ساتاتىنىمىز ماڭىزدىراق»، - دەدى «KazService» مۇناي سەرۆيسى وداعى ءتورالقاسىنىڭ ءتوراعاسى راشيد جاقسىلىقوۆ.
ونىڭ ايتۋىنشا، ەگەر ءبىز بۇگىن جيىرما جىلدىڭ ىشىندە قاتىناس ورناتقان نارىقتان باس تارتاتىن بولساق، ول ورىندى يران، اراب امىرلىگى، ليۆان باسىپ الۋى مۇمكىن.
« وتكىزۋ نارىعىن جوعالتىپ الماس ءۇشىن ءوندىرىس كولەمىن ۇلعايتۋ قاجەت. ەگەر ءبىرقاتار ءوندىرىس ورىندارىنداعى مۇناي الۋدى توقتاتساق، مۇناي باعاسى تۇراقتالعاندا ولاردى قايتا ىسكە قوسۋ ءۇشىن قوماقتى ينۆەستيتسيا قاجەت بولادى. ونى قايدان الامىز؟»، - دەدى جاقسىلىقوۆ.
ءسوز كەزەگىن العان « قازمۇنايگاز» ا ق ەكس- پرەزيدەنتى، Caspian Pipeline Consortium (CPC) باس ديرەكتورى قايىرگەلدى قابىلدين قازىرگى ۋاقىتتا قاشاعاننىڭ ىسكە قوسىلۋىن كۇتىپ وتىرعاندار كوپ ەكەنىن ايتتى.
«مۇناي باعاسىنا قاتىستى ايتاتىن بولساق. قاشاعاننان الىنعان مۇناي، مەنىڭشە، قارا التىن باعاسىنا اسەر ەتپەيدى دەپ ويلايمىن. الەم كۇنىنە 90 ميلليون باررەل ءوندىرىپ وتىرعاندا، قاشاعاننان تاۋلىگىنە الاتىن 300 مىڭ باررەل كوپ ەمەس. مەنىڭشە، قاشاعاننىڭ ىسكە قوسىلعانى باعا فاكتورىنا اسەر ەتە المايدى. قازىرگى نارىق باعامى باسقا سەبەپتەرگە بايلانىستى قالىپتاسىپ وتىر. قازاقستان قازىر تاۋلىگىنە 1,5 ميلليون باررەل مۇناي وندىرەدى. سوندىقتان، قاشاعاننىڭ ىسكە قوسىلۋى الەمدىك نارىقتاعى باعا نارىعىنا اسەر ەتپەيدى»، - دەدى قايىرگەلدى قابىلدين.
ەسكە، سالا كەتەيىك، 2013 - جىلدىڭ 11 - قىركۇيەگىندە قاشاعان كەن ورنىندا ءبىرىنشى مۇناي ءوندىرۋ جۇمىستارى باستالعان. الايدا، 25 - قىركۇيەكتەگى اپاتقا بايلانىستى جۇمىسى توقتاتىلدى.
اۆتور: الماس مۇقاش ۇلى
