پورتۋگاليانىڭ ەكس- پرەمەرى ب ۇ ۇ باس حاتشىسى اتانۋعا باستى ۇمىتكەر بولدى

استانا. قازاقپارات - پورتۋگاليانىڭ ەكس- پرەمەرى انتونيۋ گۋتەرريش قاۋىپسىزدىك كەڭەسىنىڭ ۆەتو قويۋعا قۇقىعى بار 5 تۇراقتى مۇشەسىنىڭ ەشبىرى ونىڭ كانديداتۋراسىنا قارسى داۋىس بەرمەگەننەن كەيىن ب ۇ ۇ- نىڭ باس حاتشىسى بولۋعا باستى ۇمىتكەرگە اينالدى.

بۇل تۋرالى ۇيىمنىڭ سايتىندا حابارلاندى.

ايتا كەتەيىك، ب ۇ ۇ- نىڭ جاڭا باس حاتشىسىن سايلاۋ بەيسەنبى، 6 - قازان كۇنى ساعات 10.00-دە (استانا ۋاقىتىمەن 20.00) وتەدى.

 ب ۇ ۇ قۇرىلعان 70 جىلدىڭ ىشىندە ۇيىمدى سەگىز باس حاتشى باسقاردى. جاڭا سايلاناتىن باس حاتشى ءوز مىندەتىنە 2017 - جىلدىڭ قاڭتارىندا كىرىسەدى. ونىڭ وكىلەتتىك مەرزىمى - بەس جىل. بۇل مەرزىم ب ۇ ۇ- عا مۇشە مەملەكەتتەردىڭ ۇسىنىسىمەن تاعى ءبىر بەسجىلدىققا ۇزارتىلۋى مۇمكىن.