13:15, 05 - قازان 2016 | GMT +5
شەكارادان ۇزىندىعى ءبىر مەتر جىلاندى الىپ وتپەك بولعان قىتايلىق ازامات ۇستالدى
استانا. قازاقپارات - قازاقستان - قىتاي اراسىنداعى مەملەكەتتىك شەكارادان ءوتىپ بارا جاتقان قىتايلىق ازاماتتىڭ قالتاسىنان جىلان تابىلدى.
بۇل تۋرالى ق ر ۇ ق ك ش ق باسپا ءسوز قىزمەتى حابارلادى.
ناقتىراق ايتار بولساق، ماقانشى شەكارا وتريادىنا قاراستى «باقتى» باقىلاۋ- وتكىزۋ بەكەتىنىڭ شەكارا ناريادى 60 جاستاعى قىتايلىق ازاماتتى شەكارالىق تەكسەرۋدەن وتكىزىپ جاتقان كەزدە ونىڭ قالتاسىنان ۇزىندىعى ءبىر مەترگە جۋىق جىلاندى تاۋىپ الدى. سارافان قاپشىققا سالىنعان ءولى جىلان قىتايلىق ازاماتتىڭ ۇستىندەگى كوستيۋمىنىڭ قالتاسىنان شىعا كەلدى.
ونى نە ماقساتپەن الىپ بارا جاتقاندىعىن ءتيىستى ورىندار انىقتايتىن بولادى.
