12:23, 05 - قازان 2016 | GMT +5
مەكتەپ تۇلەگى جۇرگىزۋشى كۋالىگىن الىپ شىعاتىن بولادى - ءبىلىم جانە عىلىم ءمينيسترى ەرلان ساعاديەۆ
استانا. قازاقپارات - قازاقستاندا مەكتەپ تۇلەگى جۇرگىزۋشى كۋالىگىن الىپ شىعاتىن بولادى. بۇل تۋرالى بۇگىن ق ر ۇكىمەتى وتىرىسىندا ەلىمىزدىڭ ءبىلىم جانە عىلىم ءمينيسترى ەرلان ساعاديەۆ ءمالىم ەتتى،
دەپ حابارلايدى قازاقپارات.
«بالالاردىڭ جولدا جاراقات الۋ دەڭگەيى ازايماي وتىر. وسىعان بايلانىستى العاشقى اسكەري دايىندىق وقۋ باعدارلاماسىنا وقۋشىلارعا كولىك جۇرگىزۋ، سونىمەن قاتار جول قاۋىپسىزدىگى ەرەجەسىن وقىتۋدى ەنگىزەتىن بولامىز. وسىنىڭ ناتيجەسىندە مەكتەپ بىتىرەتىن بالالارعا كولىك جۇرگىزۋ كۋرسىن بىتىرگەندىگى تۋرالى كۋالىك بەرىلەدى. مۇعالىمدەردى قايتا دايارلاۋعا قاراجاتىمىز بار»، - دەدى مينيستر.
ونىڭ ايتۋىنشا، بۇل جايىندا ەلىمىزدىڭ قورعانىس مينيسترلىگىمەن ارادا كەلىسىم دە جاسالعان.
«پروتسەسس كەزەڭ- كەزەڭىمەن 2017 - جىلدان باستاپ قولعا الىنادى»، - دەدى ە. ساعاديەۆ.
اۆتور: مارلان جيەمباي
