قىتاي تۋريستەر ءۇشىن قۇپيا يادرولىق ورتالىق اشتى

استانا. قازاقپارات - قىتاي بيلىگى تۋريستەرگە ەلدىڭ يادرولىق ورتالىقتارىنىڭ بىرىنە كىرۋگە رۇقسات بەردى.

 ءبىر كەزدەرى قۇپيالانعان «816 جەراستى يادرولىق اسكەري زاۋىتى» ستراتەگيالىق نىسان بىرنەشە كۇن بۇرىن قالىپقا كەلتىرۋ جۇمىستارىنان كەيىن اشىلىپ، كەلۋشىلەردىڭ العاشقى توبىن قابىلدادى، دەپ حابارلادى «چينحۋا» ا ا.

بۇرىنعى اسكەري زاۋىت 18 نەگىزگى عيماراتتان، بىرىكتىرىلگەن 20 ك م تۋننەلدەن تۇرادى. زاۋىت زالدارىنىڭ ءبىرىنىڭ كۇمبەزى 80 مەتر بيىكتىككە كوتەرىلدى. «816 نىسانى» 8 بالدىق جەر سىلكىنىسى مەن تىكەلەي اۆياسوققىلارعا توتەپ بەرە الادى.

1966 -جىلى ك س ر و مەن ق ح ر اراسىنداعى قارىم- قاتىناس سۋي باستاعاندا قىتايدىڭ وڭتۇستىك- باتىسىنداعى چۋنتسين مۋنيتسيپاليتەتىندە يادرولىق زاۋىت تۇرعىزىلدى. ونىڭ قۇرىلىسىنا  60000 استام ءتۇرلى مامان قاتىستى. 1984 -جىلى زاۋىت توقتاتىلىپ، 26  جىلدان كەيىن ونىڭ اۋماعىنا العاش رەت تۋريستىك توپتاردى كىرگىزىلدى.

كەيىن «816 نىسانىن» قالىپقا كەلتىرىپ، بەيبىت تۇرعىندار ءۇشىن قىزىقتى ورىنعا اينالدىرىلدى. ەندى زاۋىتتى قىتايلىقتارمەن قاتار شەتەلدىك تۋريستەر دە تاماشالاي الادى.