قازاقستاندىق «اناعا اپارار جول» فيلمى حالقارالىق فەستيۆالدىڭ باس جۇلدەسىن ۇتىپ الدى
«فەستيۆالگە قوناق جانە قاتىسۋشى رەتىندە رەسەي، ۋكراينا، بەلارۋس، يتاليا، گەرمانيا، سەربيا، قازاقستان، قىتاي، وڭتۇستىك كورەيا، بەلگيا، ءۇندىستان، ارمەنيا كينەماتوگرافشىلارى باردى. كينوفەستيۆالدى وتكىزۋ يدەياسى بەلگىلى رەجيسسەر نيكيتا ميحالكوۆقا تيەسىلى. ايەلدەر اراسىنداعى ۇزدىك ءرول سىيلىعى «اناعا اپارار جول» فيلمىندە باستى رولدە ويناعان التىناي نوگەربەككە بۇيىردى»، - دەپ حابارلادى كينولەنتانى تۇسىرۋشىلەر Instagram جەلىسىندە.
فەستيۆالدىڭ سالتاناتتى جابىلۋ شاراسى سەيسەنبى كۇنى يالتادا ءوتتى. بايقاۋعا قاتىسۋشىلاردىڭ ونەرىن تالاكادۋ سرينيۆاساياح ناگابحارانا (ءۇندىستان) باستاعان حالىقارالىق قازىلار القاسى باعالادى.
فيلم سيۋجەتى انا ماحابباتىنا نەگىزدەلگەن. بۇل كۇش باستى كەيىپكەردىڭ قيىندىقتاردى جەڭىپ، سىنداردان وتۋىنە كومەكتەستى. وقيعا قازاق حالقى ءۇشىن قيىن- قىستاۋ كەزەڭ: ۇجىمداستىرۋ، جۇت، اسكەري جانە سوعىستان كەيىنگى جىلدارى ءوربيدى.
كارتينانىڭ باس كەيىپكەرى ءىلياس رۋحاني بەرىكتىكتى، ەرلىكتى، پاتريوتيزم مەن قايسارلىقتى كورسەتەدى. اناسىمەن كەزدەسەر الدىندا ول تالاي رەت تاعدىردىڭ تالكەگىن كورەدى، الايدا ەشبىر قيىندىق ونى توقتاتقان ەمەس. فيلم ءومىر قۇندىلىقتارى، ومىرگە دەگەن كوزقاراسقا وي جۇگىرتۋگە يتەرەدى.
