ارال تەڭىزىنىڭ بالىعى ت م د ەلدەرىنىڭ نارىعىنا شىقتى

قىزىلوردا. قازاقپارات- ەلباسىنىڭ تاپسىرماسىنا سايكەس «سىرداريا وزەنىنىڭ ارناسىن رەتتەۋ جانە ارال تەڭىزىن سولتۇستىك بولىگىن ساقتاۋ» (ساراتس) جوباسىنىڭ ىسكە اسىرىلۋى ناتيجەسىندە ارال اۋدانىداعى بالىق شارۋاشىلىعى قارقىندى دامىپ كەلەدى.

ماسەلەن، وسىدان ون بەس جىل بۇرىن نەبارى 400 توننا بالىق اۋلانسا، قازىر ونىڭ كولەمى 7106 تونناعا جەتتى. بۇل تۋرالى اۋداندىق باسپا ءسوز قىزمەتىنەن حابارلادى.

 اۋداندا 7 بالىق وڭدەۋ زاۋىتى جۇمىس جاسايدى. ولار رەسپۋبليكا اۋماعىنان بولەك رەسەي، وزبەكستان، قىرعىزستان جانە ەۋروپاعا ەكسپورتتالۋدا. بۇگىندە 4 زاۋىت «ارال بالىق وڭدەۋ زاۋىتى»، «ارال سدو»، «كامبالا بالىق»، «س د و قاراشالاڭ» ج ش س بالىقتى تەرەڭ وڭدەۋمەن اينالىسادى. ال قالعان 3 زاۋىت «بوگەن سدو»، «قۋانىش» ج ش س، «ا س ت ا» ج ش س بالىقتى مۇزداتۋ جانە ىستاۋ سياقتى جۇمىستارمەن اينالىسادى. مۇنداعى جۇمىسشىلاردىڭ ايلىق جالاقىسى ۋاقىتىلى. سونىمەن قاتار اتا كاسىپتى جانداندىرۋ ماقساتىندا جىل سايىن بالىقشىلار سلەتى وتكىزىلىپ كەلەدى. الداعى ۋاقىتتا ايماق ەكونوميكاسىنا وزىندىك ۇلەس قوسىپ كەلە جاتقان سالانىڭ ءورىسى كەڭەيە تۇسپەك.

اۆتور: ەلۋباي اۋەزوۆ