07:41, 05 - قازان 2016 | GMT +5
تۇلكىباستا دەمالىس- ەمدەۋ ورتالىعى اشىلدى
شىمكەنت. قازاقپارات - وڭتۇستىك قازاقستان وبلىسىنىڭ تۇلكىباس اۋدانىنداعى تاۋ بوكتەرىندە ورىن تەپكەن، دارىلىك ءشوبى كوپ كەمەرباستاۋ اۋىلىندا دەمالىس- ەمدەۋ ورتالىعى اشىلدى.
وبلىس اكىمىنىڭ باسپا ءسوز قىزمەتىنىڭ حابارلاۋىنشا، تاماشا تابيعات اياسىنداعى ورتالىقتا ساۋمال ءىشىپ، تازا اۋادا اتقا ءمىنىپ سەرۋەندەۋگە جاعداي جاسالعان. مۇندا 244 ادامعا قىزمەت كورسەتۋگە مۇمكىندىك بار. 32 ادام جاڭا جۇمىسپەن قامتىلىپ وتىر. قۇرىلىس جۇمىستارىنا كاسىپكەر 52 ملن قارجى جۇمساعان.
وسىلايشا، تازا اۋاسىنىڭ ءوزى جانعا شيپا تۇلكىباس وڭىرىندە بۇگىندە بىرنەشە ەمدەۋ، ساۋىقتىرۋ ورتالىقتارى ورنالاسىپ، جىل سايىن ساۋىقتىرۋ ورتالىقتارىنا كەلۋشىلەر سانى ارتۋدا.
