20:25, 04 - قازان 2016 | GMT +5
تۇرمە قىزمەتكەرلەرى جازاسىن وتەۋشى ناۋقاس ءۇشىن قان تاپسىردى
قىزىلوردا. قازاقپارات- قىزىلوردا وبلىسى بويىنشا قىلمىستىق- اتقارۋ جۇيەسى دەپارتامەنتىنە قاراستى ز ك-169/5 تۇزەتۋ مەكەمەسىنىڭ ۇجىمى «قان تاپسىر دا، ەرتەڭگى كۇنگە ءۇمىت سىيلا» اتتى ۇندەۋمەن قىزىلوردا وبلىستىق قان تاپسىرۋ ورتالىعىنا بارىپ، قان تاپسىرۋ قايىرىمدىلىق اكسياسىن وتكىزدى.
اكسياعا 20 عا جۋىق مەكەمە قىزمەتكەرى قاتىستى. ءىس-شارا اتالعان مەكەمەدە جازا مەرزىمىن وتەپ جاتقان ناۋقاس، قانعا مۇقتاج بولىپ وتىرعان بابىر شاكاريموۆكە كومەك قولىن سوزۋ ماقساتىندا ۇيىمداستىرىلدى.
ادام بويىنداعى قايعىعا ورتاقتاسىپ، تىلەۋلەستىك ءبىلدىرىپ، قولدارىنان كەلگەنشە قول ۇشىن سوزۋ - ءاربىر دەنى ساۋ ادامنىڭ ازاماتتىق پارىزى. سوندىقتان، مەكەمە باستىعى ادىلەت مايورى ت. قالىمبەتوۆ مۇنداي يگى شارا جىل سايىن جالعاسىن تاۋىپ، داستۇرگە اينالاتىندىعىنا سەنىم ءبىلدىرىپ، ناۋقاس ب. شاكاريموۆتىڭ ساۋىعىپ كەتۋىنە تىلەكتەستىگىن ءبىلدىردى.
