نەكەنى بۇزار الدىندا اجىراسۋشىلارعا پسيحولوگتار كەڭەس بەرەتىن بولادى

استانا. قازاقپارات - ق ر باس پروكۋراتۋراسى نەكە بۇزۋ پروتسەسىنە مەدياتور-پسيحولوگتاردى تارتۋدى ۇسىندى.

«پسيحولوگتار سوتتا كىمدى تاتۋلاستىرۋعا بولاتىنىن ايتىپ وتىرسىن. سۋديا اجىراسقالى جاتقان جۇپتاردىڭ جاراسۋىنا ۋاقىت بەرىپ، پسيحولوگپەن تىلدەسۋگە جىبەرسىن. سودان كەيىن عانا ولاردىڭ نەكەسىن بۇزۋعا بولاتىنىن نە بولمايتىنىن شەشسىن»، - دەيدى اليمەنتتەر ءوندىرىپ الۋ جونىندەگى ۇيلەستىرۋ كەڭەسىنىڭ وتىرىسىندا ق ر باس پروكۋرورىنىڭ ءبىرىنشى ورىنباسارى يوگان مەركەل.

ق ر ادىلەت مينيسترلىگىنىڭ دەرەكتەرى بويىنشا، ەلىمىزدە جىل سايىن 50-55 مىڭ جۇپ اجىراسادى. جىلىنا ۇيلەنەتىن جۇپتار سانى 120 مىڭ.

قازىرگى ۋاقىتتا 350 مىڭنان استام بالا اليمەنتكە مۇقتاج. ال ولاردىڭ الدىنداعى اتا-انالاردىڭ اليمەنت قارىزى 1,8 ميلليارد تەڭگەگە جۋىقتايدى. جەتىمدەر ۇيىندە 32 مىڭ بالا تۇرىپ جاتىر، ولاردىڭ 70 پايىزىندا اتا-انالارى بار.

اۆتور: جاسۇلان جولدىبايەۆ