11:27, 05 - قازان 2016 | GMT +5
باقىتجان ساعىنتايەۆ قاسىموۆقا قۇقىق بۇزۋشىلىقتىڭ الدىن الۋ جونىندەگى ءۇشجىلدىق جوسپار ازىرلەۋدى تاپسىردى
استانا. قازاقپارات - بۇگىن ق ر ۇكىمەتى وتىرىسىندا پرەمەر- مينيستر باقىتجان ساعىنتايەۆ ەلىمىزدىڭ ىشكى ىستەر ءمينيسترى قالمۇحانبەت قاسىموۆقا قۇقىق بۇزۋشىلىقتىڭ الدىن الۋ جونىندەگى ءۇشجىلدىق جوسپار ازىرلەۋدى تاپسىردى،
دەپ حابارلايدى قازاقپارات ءتىلشىسى.
«ىشكى ىستەر مينيسترلىگىنە جەرگىلىكتى ورگاندارمەن بىرلەسىپ، وسى جىلدىڭ 1 - جەلتوقسانىنا دەيىن بەلگىلەنگەن تارتىپپەن تاياۋ 1 جىلعا ارنالعان قۇقىق بۇزۋشىلىقتىڭ الدىن الۋ جونىندەگى كەشەندى جوسپاردىڭ جوباسىن ازىرلەپ، ۇكىمەت قاراۋىنا ەنگىزۋدى تاپسىرامىن»، - دەدى ب. ساعىنتايەۆ.
سونىمەن قاتار ول بۇل باعىتتاعى جۇمىستاردى بارىنشا كۇشەيتۋ قاجەتتىگىن باسا ايتتى.
«بىزگە حالىقپەن ازاماتتىق قوعام ينستيتۋتتارىنا شىنايى ارقا سۇيەي وتىرىپ، بۇل جۇمىستاردى قايتا قاراۋ جانە جۇيەلەۋ قاجەت. بارلىعىنىڭ ناقتى ءوزارا ءىس- قيمىلىن قامتاماسىز ەتۋ كەرەك»، - دەدى ب. ساعىنتايەۆ.
اۆتور: مارلان جيەمباي
