تاتارستان پرەزيدەنتى استاناداعى وكىلدىگىن اشتى

استانا. قازاقپارات - تاتارستان پرەزيدەنتى رۋستام ميننيحانوۆ پەن استانا اكىمى اسەت يسەكەشيەۆ ەلوردادا تاتارستان رەسپۋبليكاسىنىڭ قازاقستانداعى وكىلەتتى وكىلدىگىنىڭ اشىلۋىنا قاتىستى.

استانا اكىمى تاتارستان پرەزيدەنتى ر. ميننيحانوۆتى جانە جەرگىلىكتى تاتار دياسپوراسىن اتالمىش قۋانىشتى ساتپەن قۇتتىقتاپ، ەلوردا ءۇشىن بۇل وتە جوعارى مارتەبەگە يە وقيعا ەكەندىگىن اتاپ ءوتتى.

«استاناعا قوش كەلدىڭىزدەر! ەكى ەل اراسىنداعى قارىم-قاتىناس جاقسى دامۋدا. بۇل قارقىن ازايماي، كەرىسىنشە، جاڭا دەڭگەيگە كوتەرىلەدى دەپ سەنەمىن. بۇگىنگى وكىلدىكتىڭ اشىلۋى - ءبىزدىڭ دوستىعىمىزدىڭ ايقىن دالەلى. دوستىعىمىز ماڭگى بولسىن! بۇل وقيعا ءبىزدىڭ ارىپتەستىگىمىزدىڭ دامۋىنا قوسىمشا سەرپىن بەرەدى دەپ سەنەمىن!»، - دەدى قالا باسشىسى اتالمىش وكىلدىكتىڭ اشىلۋ سالتاناتىندا.

ءوز كەزەگىندە ر. ميننيحانوۆ اتالعان وكىلدىكتىڭ اشىلۋىنا ۇلكەن قولداۋ كورسەتكەن قازاقستان باسشىلىعىنا ۇلكەن ريزاشىلىعىن ءبىلدىردى.

 «البەتتە ءبىز ءبىر- بىرىمىزگە وتە جاقىن، باۋىرلاس حالىقپىز جانە قازاقستان پرەزيدەنتىنىڭ تاتارستان حالقىنا دەگەن ۇلكەن قامقورلىعى سەزىلەدى. وسىنداعى تاتار دياسپوراسىنا دا بارلىق جاعدايلار جاسالىپ جاتىر، ءبىز بۇعان تەك قۋانامىز. سىزدەرگە بەكزات، راحمات!»، - دەدى تاتارستان پرەزيدەنتى ر. ميننيحاموۆ.

«بۇل سىزدەردىڭ ورتاق ۇيلەرىڭىز، وسىندا كەز كەلگەن ۋاقىتتا كەلە الاسىزدار جانە ول قازاقستان مەن تاتارستان اراسىنداعى بايلانىستىرۋشى دانەكەر بولادى»، - دەپ قوستى ول.

ايتا كەتەيىك، قازىرگى ۋاقىتتا قازاقستاندا تاتارلاردىڭ سانى 300 مىڭنان اسىپ جىعىلادى. ال، استانادا 12 مىڭ تاتار بار.

اۆتور: جاسۇلان جولدىبايەۆ