14:25, 04 - قازان 2016 | GMT +5
اتامبايەۆ: قىرعىزستان قارۋلى كۇشتەرىنىڭ اسكەري دايىندىعىن ارتتىرۋى كەرەك
استانا. قازاقپارات - بۇگىن قىرعىزستان رەسپۋبليكاسىنىڭ پرەزيدەنتى المازبەك اتامبايەۆ قارۋلى كۇشتەر باس شتابىنىڭ باسشىسى رايمبەردي دۋيشەنبيەۆتى قابىلدادى،
دەپ حابارلاندى president.kg سايتىندا.
كەزدەسۋدە مەملەكەت باسشىسىنا ەلدىڭ قارۋلى كۇشتەرىنىڭ دامۋى مەن نىعايۋى بويىنشا جۇرگىزىپ جاتقان جۇمىستار جايلى، شەكاراداعى قاۋىپسىزدىكتى قامتۋ مەن مەملەكەتتىك شەكارانى قورعاۋ بويىنشا كۇشەيتىلگەن شارالار جايلى باياندالدى.
پرەزيدەنت المازبەك اتامبايەۆ جانە باس شتاب باسشىسى رايمبەردي دۋيشەنبيەۆ ورتالىق اسكەري باسقارۋ ورگانىنىڭ قىزمەتىن، سونىڭ ىشىندە زاماناۋي قاۋىپ- قاتەرلەرگە ارەكەت ەتەتىن ەلدىڭ قارۋلى كۇش قۇرىلىمىن قۇرۋ ماسەلەسىن تالقىلادى.
پرەزيدەنت العا قويىلعان مىندەتتەردى ءتيىمدى ورىنداۋ جانە مەملەكەتتىڭ قورعانىس مۇمكىندىگىن كۇشەيتۋ ءۇشىن قارۋلى كۇشتەردىڭ اسكەري دايىندىعى مەن موبيلدىلىگىن ارتتىرۋ كەرەك ەكەنىن اتاپ ءوتتى.
