سەمەيدە وتاندىق جۇك كولىكتەرى شىعارىلا باستادى

استانا. قازاقپارات -  سەمەيدەگى «سەماز» كاسىپورنى تاعى ءبىر جاڭا جەلىنى ىسكە قوستى. 10 جانە 25 توننالىق جۇك كولىكتەرى نەگىزىنەن شاعىن جانە ورتا بيزنەسكە ارنالعان.

 قىتايلىق ماماندار جەرگىلىكتى جاس مامانداردى قۇراستىرۋ جۇمىستارىنىڭ قىر- سىرىنا ۇيرەتىپ، 50 ادام ەڭبەكپەن قامتىلدى.

جىل سوڭىنا دەيىن 200-گە جۋىق تەحنيكا قۇراستىرىلماق. كولىكتەر كوممۋنالدىق قىزمەت تۇرلەرىنە دە ابدەن جارايدى. سوندىقتان تاپسىرىستار ءتۇسىپ جاتسا، كاسىپتىڭ قانداي سالاسىنا بولسىن ىڭعايلاپ شىعارا الامىز دەيدى زاۋىت باسشىلىعى. بولاشاقتا قازاقستاندىق جوبانى ۇلعايتا ءتۇسۋ دە جوسپاردا بار.

جاندوس ءىلياسوۆ، ءوندىرىس باسشىسى:

- لوكاليزاتسيا بويىنشا 40 پايىزعا جۋىق. مۇنى ءوزىمىز جاسايمىز. مۇنىڭ جۇك تيەگىشىن، اككۋمۋلياتورى مەن مۇنىڭ قۇيىلمالى بولشەكتەرىن جاسايمىز.

www.24.kz