قازاقستان مەن رەسەيدىڭ تۋريستىك الەۋەتى تالقىلانۋدا
سەسسيا جۇمىسىن اشقان «اتامەكەن» ۇلتتىق كاسىپكەرلەر پالاتاسى باسقارما ءتوراعاسىنىڭ ورىنباسارى يۋليا ياكۋپبايەۆا قازاقستاندىق تۋريزم سالاسىن دامىتۋ جانە قازاقستان مەن رەسەي فەدەراتسياسى اراسىندا وسى سالانى وركەندەتۋدەگى جوعارى مۇمكىندىكتەر جايىنا توقتالدى.
«ءبىز كوزدەپ وتىرعان ماسەلەلەر - ولار جول مەن كولىك قولجەتىمدىلىگى، قوناق ۇيلەردىڭ، اسىرەسە وڭىرلەردەگى قوناق ۇيلەر قىزمەتىنىڭ ساپاسى، كورىكتى ورىنداردى اقپاراتتىق جاعىنان قولداۋ. بۇل ماسەلەلەر ەكى ەل ءۇشىن دە وزەكتى دەپ ويلايمىن. ءبىزدىڭ تۋريستىك سالاداعى ىنتىماقتاستىعىمىزدىڭ الەۋەتى قۋاتتى. الداعى ۋاقىتتا ترانس شەكارالىق باعدارلار تەتىگىن جاساۋعا، تۇراقتى اۆيارەيستەر مەن تەمىر جول قاتىناسى اۋقىمىن كەڭەيتۋ مەن چارتەرلىك رەيستەردى ىسكە قوسۋ ارقىلى كولىك قولجەتىمدىلىگىن ارتتىرۋعا دايىنبىز»، - دەدى يۋ. ياكۋپبايەۆا
سونداي- اق ول قازىرگى تاڭدا ەكى ەلدىڭ الدىندا تۋر ونىمدەردىڭ ساپاسىن كوتەرۋ، تۋر كومپانيالار مەن قوناق ۇيلەردىڭ، تاماقتانۋ ورىندارىنىڭ، اۋە تاسىمالداۋشىلارىنىڭ، كولىك كومپانيالارىنىڭ كۇشىن بىرىكتىرۋ مىندەتتەرى تۇرعانىن اتاپ ءوتتى.
سەسسيا بارىسىندا تاراپتار تۋريستىك نارىقتى دامىتۋ سالاسىنداعى يدەيالار جانە جەتىستىكتەر جايلى پىكىر الماسىپ، ەۋرازيالىق كەڭىستىكتەگى ىقپالداستىق ۇدەرىستەرىن جانداندىرۋداعى ەكى ەلدىڭ وسى سالاداعى ءوزارا بايلانىسى مۇمكىندىكتەرىن تالقىلاۋدا.
قازاقستاندىق تاراپ حالىقارالىق «ەكسپو-2017» مامانداندىرىلعان كورمەسى مەن استانا قالاسى جانە ماڭعىستاۋ وبلىسىنىڭ تۋريستىك الەۋەتىن تانىستىردى.
رەسەيلىك مەيماندار قازاقستان مەن رەسەي فەدەراتسياسىنىڭ چەليابى، ۆولگوگراد، سۆەردلوۆ، ورىنبور وبلىستارى اراسىندا تۋريستەر سانىن كوبەيتۋ جايىندا ءوز كوزقاراستارىن ءبىلدىردى.
اۆتور: مارلان جيەمباي
