رەسەيدەن قازاقستانعا كەلەتىن تۋريستەر سانى جىل سايىن ارتۋدا
« 2015 - جىلى ەلىمىز رەسەيلىك ازاماتتار ءۇشىن سىرتقا شىعاتىن تۋريزم بويىنشا تانىمالدىلىعى جاعىنان 4- ورىنعا شىقتى. قازاقستاندا 3 ميلليون رەسەيلىك بولىپ قايتتى. قوناقتار ەڭ كوپ تىنىعاتىن جەر رەتىندە بۋراباي شيپاجاي ايماعىن، پاۆلودار وبلىسىنداعى باياناۋىل ۇلتتىق ساياباعىن، بالقاش پەن الاكول كولدەرىن، شىمبۇلاق تاۋ- شاڭعى شيپاجايىن اتاپ وتۋگە بولادى»، - دەدى ۆيتسە- مينيستر.
شاراعا قاتىسقان ر ف مادەنيەت مينيسترلىگى تۋريزم جونىندەگى فەدەرالدىق اگەنتتىگىنىڭ باسشىسى ولەگ سافونوۆ ءوز سوزىندە تۋريزم سالاسىنداعى قازاقستاندىق- رەسەيلىك بايلانىستاردى كەڭەيتۋ شارالارىنىڭ قارقىندى جۇرگىزىلىپ جاتقاندىعىن باسا ايتتى.
«فورۋم اياسىندا « قازاقستان مەن رەسەي اراسىنداعى تۋريزمدى دامىتۋدىڭ جاڭا مۇمكىندىكتەرى» پانەلدىك سەسسياسىن وتكىزۋ - ەلدەرىمىزدىڭ الەۋمەتتىك- ەكونوميكالىق بايلانىستارى قۇرىلىمىن قالىپتاستىرۋدا، حالىققا ارنالعان مادەني- تانىمدىق جانە ساۋىقتىرۋ باعدارلامالارىن جۇزەگە اسىرۋدا تۋريزم يندۋسترياسىنىڭ قانشالىقتى سالماقتى رولگە يە ەكەنىنە ايقىن دەلەل»، - دەدى ول.
ايتا كەتەرلىگى سەسسسيا بارىسىندا باتىس قازاقستان وبلىسى اكىمدىگى مەن رەسەيدىڭ ورىنبور وبلىسى ۇكىمەتى اراسىندا تۋريزم سالاسىن دامىتۋ جونىندەگى ىنتىماقتاستىق مەموراندۋمىنا، استانا قالاسى اكىمدىگىنىڭ «استانا كونۆەنشن بيۋرو» ج ش س مەن سۆەردلوۆ وبلىستىق « سۆەردلوۆ وبلىسىنىڭ تۋريزمدى دامىتۋ ورتالىعى» مەملەكەتتىك بيۋدجەتتىك مەكەمەسى اراسىندا جانە « استانا كونۆەنشن بيۋرو» ج ش س مەن « قورعان وبلىسى سپورتتىق دايىندىق ورتالىعى» مەملەكەتتىك اۆتونومدىق مەكەمەسى اراسىندا تۋريزمدى دامىتۋ سالاسىنداعى ىنتىماقتاستىق كەلىسىمىنە قول قويىلدى.
اۆتور: مارلان جيەمباي
