ەۋرازيالىق دامۋ بانكى مەن «بايتەرەك» قازاقستاندىق ەكسپورتتاۋشىلاردى قارجىلاندىرادى

استانا. قازاقپارات - «بايتەرەك» ۇ ب ح» ا ق باسقارما ءتوراعاسى ەربولات دوسايەۆ پەن ەۋرازيالىق دامۋ بانكىنىڭ باسقارما ءتوراعاسى دميتري پانكين ەكسپورتقا جاردەمدەسۋ سالاسىندا ىنتىماقتاستىق ورناتۋ جونىندەگى كەلىسىمگە قول قويدى،

 دەپ حابارلادى primeminister.kz.

 كەلىسىم اياسىندا «قاز ەكسپورت گارانت» ەكسپورتتىق- نەسيەلىك ساقتاندىرۋ كورپوراتسياسى» ا ق مەن ەۋرازيالىق دامۋ بانكى (ەادب) بىرلەسىپ، قازاقستاندىق ەكسپورتتاۋشىلارعا ەۋرازيالىق ەكونوميكالىق وداق شەگىندە جانە ودان تىسقارى جەرلەردە تاۋارلار، جۇمىستار مەن قىزمەتتەردىڭ ەكسپورتتىق تاۋەكەلدەرىن ساقتاندىرۋ بويىنشا قولداۋ كورسەتەتىن بولادى. وسى ماقساتتا ە ا د ب قازاقستاندىق وندىرۋشىلەردىڭ ەكسپورتتىق وپەراتسيالارىنا 100 ميلليون دوللار شاماسىندا قارجى بولەدى.

«ورتاق ىنتىماقتاستىقتىڭ الەۋەتى زور. بۇگىندە ەكسپورتقا قولداۋ كورسەتۋ، ءبىر- ءبىرىن نارىققا تارتۋ، بىرلەسكەن كاسىپورىنداردى قۇرۋعا قاتىستى جاڭا مۇمكىندىكتەر اشىلىپ جاتىر. جاڭا تاسىلدەردى، ارنايى ونىمدەردى، ورتاق نەسيە جەلىلەرىن قولدانۋدىڭ ۋاقىتى جەتتى. «بايتەرەك» حولدينگى كەز- كەلگەن كومەكتى كورسەتۋگە دايىن»، - دەدى ە. دوسايەۆ.

سونداي- اق، كەزدەسۋ بارىسىندا ءوزارا تۇسىنۋشىلىك پەن ىنتىماقتاستىق جونىندەگى مەموراندۋمعا قول قويىلدى. وسىعان وراي ونەركاسىپتىڭ باسىم سەكتورلارى انىقتالدى: ازىق- تۇلىك ونىمدەرىن شىعارۋ، اگروحيميا، اۆتوكولىك قۇرالدارى مەن ونىڭ قوسىمشا بولىكتەرىن ءوندىرۋ، اۋىلشارۋاشىلىعى تەحنيكالارىن، تاۋ كەن قازۋ، مۇناي ءوندىرۋ جانە مۇناي وڭدەۋ ونەركاسىبى جابدىقتارىن ءوندىرۋ، قۇرىلىس، قارا جانە ءتۇستى مەتاللۋرگيا ماتەريالدارىن ءوندىرۋ.