مادەنيەت ءمينيسترى قازاقستاندىق تالانتتاردى الەمگە تانىتۋدىڭ جولىن تاپتى
مەموراندۋمدا كورسەتىلگەن ارىپتەستىك قارىم- قاتىناستىڭ ماڭىزدى ءبىر باعىتى - قىزمەتكەرلەردىڭ كاسىبي بىلىكتىلىگىن كوتەرۋ. مەموراندۋمعا سايكەس، قازاقستاندىق ۆەدومستۆو مەن رەسەيلىك «مۋزىكا ءۇيى» بىرلەسىپ سەمينارلار مەن كونفەرەنسيالار ۇيىمداستىرماق. ءىس- شارالار بارىسىندا ونەر مەن مادەنيەتكە قاتىستى ماسەلەلەر مەن تۇيىتكىلدەر تالقىلاناتىن بولادى.
ىنتىماقتاستىق تۋرالى مەموراندۋمنىڭ ەكى ەلدىڭ مادەني، الەۋمەتتىك جانە گۋمانيتارلىق دامۋىنا ىقپالى زور. ايتا كەتەرلىگى، ءار ەلدىڭ ونەر شەبەرلەرى ءۇشىن حالىقارالىق دارەجەدەگى سايىستار مەن فەستيۆالدارعا شىعۋدىڭ ءوز جولدارى بار. ال سانكت- پەتەربورداعى «مۋزىكا ءۇيى» تىكەلەي وسىنداي شارالارمەن اينالىسادى. ولار ءار ەلدىڭ مىقتى دەگەن ونەرپازدارىن ءبىر- ەكى جىلعا شاقىرىپ، اتاۋلى الەمدىك كونكۋرستارعا دايىندايدى.
«كەلىسىمنىڭ ماڭىزى وتە جوعارى. سانكت- پەتەربورداعى «مۋزىكا ءۇيىن» دۇنيەجۇزى جاقسى بىلەدى. وندا الەمنىڭ ەڭ ۇزدىك وقىتۋشىلارى ساباق بەرەدى. ەلىمىزدى حالىقارالىق دارەجەدە تانىتىپ جۇرگەن تالانتتارىمىز از ەمەس. ەندى ولاردىڭ قاتارى كوبەيتىندىگىنە سىزدەردى سەندىرگىم كەلەدى. سەرگەي رولدۋگين مىرزامەن ۇستازدىق جانە شاكىرتتىك قارىم- قاتىناسىمىزدان بولەك، دوستىق سىيلاستىعىمىز دا بار. ونى ءبىز ەل يگىلىگىنە جۇمساۋدى ءجون كوردىك»، - دەدى ا. مۇحامەدي ۇلى.
